Ուկրաինայի բանակը մեծ կորուստներ է կրում Կուրսկում, իսկ Կուպյանսկի մոտ արգելափակված է մինչև 15 հազար զինվորական. Պուտին

Ուկրաինայի զինված ուժերը մեծ կորուստներ են կրում Կուրսկի շրջանում, իսկ Կուպյանսկի մոտ արգելափակված է մինչև 15 հազար զինծառայող, ասել է Պուտինը։

«Դե, նրանք (ուկրաինական զինված ուժերը) մտան Կուրսկի շրջան, նրանց կորուստները հսկայական էին։

Կիևի ռեժիմը ռազմական գործողությունների 3 ամիսների ընթացքում ավելի շատ կորուստներ է կրել, քան նախորդ տարվա ընթացքում՝ ավելի քան 30 հազար զինվորական։ Տանկ ավելի քիչ են կորցրել՝ մոտ երկու հարյուր, իսկ անցյալ տարի ամբողջ տարվա ընթացքում կորցրել են 240, իմ կարծիքով։ Պարզապես, ավելի քիչ տանկեր ունեն, քիչ եւ օգտագործում, եւ կորուստներն ավելի քիչ են:

Ինչո՞ւ են նստած՝ այդպես կորուստներ կրելով։ Քանի որ նրանց արտերկրից հրահանգվել է ամեն գնով դիմանալ, գոնե մինչև ընտրություններ, որպեսզի ցույց տան, որ ուկրաինական ուղղությամբ ժողովրդավարական վարչակազմի բոլոր ջանքերն ապարդյուն չեն անցել։ Անկախ ամեն ինչից, պահեք: Ամեն գնով։ Սա է գինը:

Սարսափելի ողբերգություն, կարծում եմ։ Ինչպես ուկրաինացի ժողովրդի, այնպես էլ Ուկրաինայի զինված ուժերի համար։ Իսկ որոշումները թելադրված են ոչ թե ռազմական, այլ քաղաքական բնույթի նկատառումներով։

Ռուսաստանի զինված ուժերը Կուպյանսկի ուղղությամբ արգելափակել են ընդհանուր առմամբ 15 հազար ուկրաինացի զինվորական։

Ռուսաստանը պատրաստ է Ուկրաինայի հարցով խաղաղ բանակցությունների, բայց ոչ թե Կիևի «ցանկությունների», այլ «Ստամբուլի» և այսօրվա իրողությունների հիման վրա։

Ուկրաինայում անհրաժեշտ է ոչ թե «կես ժամ կամ վեց ամսով» զինադադար, այլ երկարաժամկետ կարգավորման պայմաններ։

Ուկրաինայի նոր սահմանները կախված կլինեն ընթացիկ իրադարձությունների դինամիկայից և Ռուսաստանի պատմական տարածքների բնակիչների կարծիքներից»։