Աննա Հակոբյանի հետ ընթրած Վարդան Ալեքսանյանը նախկինում հետախուզվող էր, հիմա արդեն «հաջողակ տղամարդ է»

Վերջերս Աննա Հակոբյանը «հաջողակ տղամարդկանց» ընթրիք էր նախաձեռնել, որի վճարը կազմում էր 1 միլիոն դրամ՝ ամեն մասնակցից։ Ընթրիքը, ինչպես հայտնել է Աննա Հակոբյանը, բարեգործական բնույթի է։  

Hayastan.news-ին մանրամասներ են հայտնի դարձել ընթրիքի մասնակիցներից Վարդան Ալեքսանյանի վերաբերյալ։ Պարզվում է՝ նա նախկինում հետախուզվող էր, հիմա արդեն «հաջողակ տղամարդ է»։

Վարդան Ալեքսանյանը «Հավերժ Մուսալեռ» ՍՊԸ տնօրենն էր, որը ղեկավարում էր նաև «Ալեքսանյան ընդ փարթներս» և «ՌՎ» ՍՊ ընկերությունների գործունեությունը։

Նրա նկատմամբ 2010-ին ոստիկանության քննչական գլխավոր վարչությունում խարդախության փաստով քրեական գործ էր հարուցվել, խափանման միջոց էր ընտրվել կալանավորումը և հայտարարվել էր հետախուզում։

Hayastan.news-ին հայտնի է դարձել, որ նրան մեղադրանք է առաջադրվել Արմավիրի մարզի «Մուսալեռ» հուշահամալիրի հարևանությամբ գտնվող հողատարածքներն առաց համատեղ սեփականատետերի իմացության ՀՀ և օտարերկրյա քաղաքացիներին վաճառելու համար։

Ըստ ոստիկանության 2010 թ․ հաղորդագրության՝ նա այդկերպ հափշտակել է 309 միլիոն 657 հազար դրամ:

Արդեն հաջողակ տղամարդ դարձած Վարդան Ալեքսանյանի գործունեության հետևանքով տուժող է ճանաչվել 26 մարդ։

Գործը դեռ քննվում է Երևանի ընդհանուր իրավասության դատարանում, նրա նկատմամբ խափանման միջոց է ընտրված 3 միլիոն դրամ գրավը։

Վարդան Ալեքսանյանը այժմ ևս զբաղվում է անշարժ գույքի շուկայում գործունեություն ծավալելով, առնչություն ունի ԴԻԳՆԻՍԻ ընկերության հետ, նախորդ տարի էլ այդ նպատակով մեկ ամիս գտնվել է Դուբայում։

Այս թեմայով «Զովք»-ի փոխտնօրեն, «Պրոֆալ»-ի տնօրեն, ծանրորդ․․․ Աննա Հակոբյանի հետ ընթրած տղամարդկանց ցանկը ՏԵՍԱՆՅՈՒԹ. «Voila». Նիկոլ Փաշինյանը տեսանյութ է հրապարակել Աննա Հակոբյանի հետ մեքենայով երթևեկելիս Հոգեբանը նշել է փաստեր, որ պետք է իմանալ տղամարդու մասին 3 հարցադրում, որ կինը չպետք է անի՝ հաջողակ կյանքի համար Գտնվել է Նիկոլի չունեցած իզմը