ՇՏԱՊ. Շիրակի մարզում ամուսինը պատանդ է վերցրել 23-ամյա կնոջը, սպառնացել կտրել նրա կոկորդը

Երեկ՝ նոյեմբերի 1-ին, արտակագ դեպք է տեղի ունեցել Շիրակի մարզում։ Ժամը 19։50-ի սահմաններում ՀՀ ներքին գործերի նախարարության ոստիկանության Շիրակի մարզային վարչությունում և ոստիկանության Ախուրյանի բաժնում օպերատիվ տեղեկություններ են ստացվել, որ Ախուրյանի վարչական տարածքում գտնվող տներից մեկում տղամարդը պատանդ է վերցրել իր կնոջը և սպառնում է կոկորդը կտրել։

Ինչպես հայտնում է ֆոտոլրագրող Գագիկ Շամշյանը, մինչ ոստիկաններն ու պարեկները կժամանեին դեպքի վայր ՀՀ ՆԳՆ ոստիկանության Շիրակի մարզային վարչություն ահազանգ  է ստացվում նշված տան բնակիչ 23-ամյա Ս․ Բ․-ից, ով հայտնում է, որ ինքը ապրիլյան 44-օրյա պատերազմի մասնակից է, առողջական խնդիրներ ունի և որ իր 23-ամյա կինը իր կողմից «գերի» է և սպառնում է, որ հնարավոր է նրա կոկորդը կտրի։

Ոստիկաններն ու պարեկները շրջափակում են տունը և տևական ժամանակ բանակցություններ են վարում, ինչի շնորհիվ հնարավոր է լինում վնասազերծել Ս․ Բ․-ին։ Վնասազերծմանը ոստիկանների և պարեկների հետ մասնակցում է նաև նրա 39-ամյա ազգականը, ով ստանում է «ձախ ձեռքի առաջին մատի հիմքի փափուկ հյուսվածքների կտրվածք վերք» վնասվածք։ Ի վերջո ոստիկաններին, պարեկներին ու հարազատներին հաջողվում է նրան տեղափոխել Գյումրու «Հոգեկան առողջության կենտրոն»։

Դեպքի փաստով Շիրակի մարզային քննչական վարչությունում նախաձեռնվել է քրեական վարույթ: Ֆոտոլրագրողի տեղեկություններով վնասազերծելուց հետո նրա  մոտ հայտնաբերվել է 2 հատ դանակ և 1 հատ ածելի։ 

Այս թեմայով ՄԱՆԿԱՊՂԾՈՒԹՅՈՒՆ. Հարազատ պապիկը պարբերաբար ոտնձգություն է կատարել իր 6-ամյա երեխայի նկատմամբ Մաշ Իսրայելյանի ամուսինը մшhшցшծ քենու մասնակցությամբ բացառիկ հրապարակում է արել. մանրամասները՝ տեսանյութում 10 ժամ ջուր չի լինելու Արմավիրի մարզում ԱՄՆ-ը Վրաստանին սպառնացել է հետևանքներով, եթե նա պահպանի իր ներկայիս կուրսը Սարսափազդու մանրամասներ. 40-ամյա տղամարդը կյանքից զրկել է մորը՝ հարվածներ հասցնելով դեմքին և գլխին