Ահա՝ ի՞նչ հնարավորություններ ունի նոր սմարթֆոնը

Sharp ընկերությունը ներկայացրել է Sharp Aquos R9 pro առաջատար սմարթֆոնը, որը բավականին հետաքրքիր բնութագրեր ունի և վաճառքում կհայտնվի դեկտեմբերին:

Տեսախցիկի համակարգն այժմ ներառում է 65 մմ (f/2.6) հեռաֆոտո ոսպնյակ, որն առաջարկում է 2.8x օպտիկական խոշորացում և կարող է հասնել մինչև 20x թվային խոշորացման: Այն հիմնված է բավականին մեծ 1/1,56 դյույմանոց օպտիկական սենսորի վրա՝ տեսագրման համար Dolby Vision-ի աջակցությամբ: Ոսպնյակն ունի պատկերի օպտիկական կայունացում (OIS):

Sharp Aquos R9 pro-ն աշխատում է Snapdragon 8s Gen 3 պրոցեսորով, ունի 12 ԳԲ օպերատիվ և 512 ԳԲ ներկառուցված հիշողություն: 6,7 դյույմանոց QHD+ էկրանը (1440 x 3120 պիքսել) Pro IGZO OLED վահանակ է՝ 1 Հց-ից մինչև 240 Հց փոփոխական թարմացման հաճախությամբ: Էկրանի վրա տեղադրված է Qualcomm մատնահետքի ուլտրաձայնային սկաներ: