ԳՅՈՒՄՐԻՈՒՄ ՆՇՎԵՑ ՆՇԱՆԱՎՈՐ ԲԱՆԱՍՏԵՂԾ, ԱՐՁԱԿԱԳԻՐ ԱՎԵՏԻՔ ԻՍԱՀԱԿՅԱՆԻ ԾՆՆԴՅԱՆ 149-ԱՄՅԱԿԸ։

Հոկտեմբերի 30-ը, հայ նշանավոր բանաստեղծ, արձակագիր, թարգմանիչ, գրական ֊հասարակական անվանի գործիչ, հրապարակախոս, մեծ հայ ԱՎԵՏԻՔ ԻՍԱՀԱԿՅԱՆԻ ծննդյան օրն է, 149֊ամյակն է լրանում։

Iravunk. com -ի Շիրակի մարզի թղթակիցը Գյումրիում էր։ Գյումրիի Ավետիք Իսահակյանի տուն ֊թանգարանում նշվեց մեծ բանաստեղծի տարեդարձը ։ Թանգարանի աշխատակիցները, մտավորականներ նախ ծաղկեդրման արարողություն կատարեցին մեծ հայի Վարպետի հուշարձանի մոտ, որը գտնվում է Գյումրիի Դրամատիկական թատրոնի դիմաց։ «Հանդիպում մեծ վարպետի հարկի տակ». այս խորագրով կայացավ միջոցառումը, բանախոսներն էին ՇՊՀ Հայոց լեզվի և գրականության ամբիոնի դասախոս, դոցենտ Մարիետա Խաչատրյանը, գրականագետ, գրաքննադատ, բանասիրական գիտությունների դոկտոր, պրոֆեսոր Դավիթ Գասպարյանը և բանասիրական գիտությունների դոկտոր, պրոֆեսոր Սամվել Մուրադյանը։ Նրանք հետաքրքիր դրվագներ ներկայացրեցին մեծ Վարպետի կյանքից։ Միջոցառմանը ներկա էին նաև Հառիճավանքի «Թրբանճյան» ընծայարանի սաները, պատահական չէ, որ նրանք ներկա էին, Ավետիք Իսահակյանը ևս սովորել է այդ ընծայարանում, ցավոք այս մասին նրա կենսագրականում նշված չէ։ Թանգարանում իսկապես զգացվում էր վարպետի շունչը, այստեղ են տան բոլոր իրերը, կահ ֊կարասին, թոնիրը, որի մեջ մայրը լավաշ է թխել։

Վարպետին նվիրված միջոցառումը եզրափակվեց հայկական ավանդական ղափամայի պատրաստմամբ ու տեղում այցելուներին հյուրասիրմամբ։ Թանգարանի տնօրեն տիկին Կարինե Վիրաբյանն էլ իր շնորհակալությունը հայտնեց բոլոր ներկաներին ու նշեց, որ արդեն պատրաստվում են հաջորդ տարվա անելիքներին, քանի որ հաջորդ տարին հոբելյանական է լինելու մեծ հայի համար, կլրանա ծննդյան 150֊ամյակը։ Հավելենք, որ այսօր Երևանում գործող Ավետիք Իսահակյանի տուն ֊թանգարանում կայացել է մեծ բանաստեղծին նվիրված «Ավո, կնուտը գցեմ» գրքի շնորհանդեսը, որը հուշապատում է։ Գրքում տեղ են գտել Վարպետի մասին ժամանակակիցների հուշերն ու հումորային պատմությունները, նրա մասնակցությամբ հետաքրքիր ու զվարճալի դրվագներ։ Գիրքը կազմել է Ռուզաննա Մեսրոպյանը, նա վարպետի տուն ֊թանգարանի ցուցադրությունների կազմակերպման և հանրահռչակման բաժնի վարիչն է, նա հավաքել է 42 հեղինակների հուշեր։

ՀՈՎՀԱՆՆԵՍ ՍԱՐԳՍՅԱՆ

Այս թեմայով Իսահակյան փողոցում կարգելվի մեքենաների կանգառը Անմեղության կանխավարկած. ԸՆԿԵՐ ՓԱՆՋՈՒՆԻ Ամրոց սարքող էիք, Արցախը պահեիք Ամեն օր ես արթնանում եմ այն գիտակցությամբ, որ պարտք ունեմ Արցախի առաջ. Ավետիք Չալաբյան Ավետիք Չալաբյանը չի հանգստանում՝ ինքը հերքում է, ինքն էլ հաստատում