«Փաստ» . «Երրորդ ուժի» հարթակ՝ փակ դռների հետևում

«Փաստ» օրաթերթը գրում է. ««Երրորդ ուժի» հարթակ՝ դռների հետևում Մեր ունեցած տեղեկություններով, օրերս ուշագրավ իրադարձություն է տեղի ունեցել Հայաստանի հասարակական-քաղաքական կյանքում: Ի մասնավորի, «Էլիտ պլազա» բիզնես կոնտրոնում գաղտնիության պայմաններում, «փակ դռների» հետևում, առանց լրատվամիջոցների կայացել է հավաք՝ մասնակցությամբ մի քանի հայաստանյան կուսակցությունների և տասնյակ հասարակական կազմակերպությունների: Հավաքի ժամանակ հայտարարվել է «Երրորդ ուժի» հարթակի ստեղծման մասին: Մեր ունեցած տեղեկություններով, մոտ երեք ժամ տևած միջոցառմանը մասնակցել է շուրջ 600 մարդ:

Ի դեպ, հիշեցնենք, որ, ինչպես տեղեկացրել էինք, դեռևս մարտի կեսերին Արման Վարդանյանի գլխավորած «Միասնություն» համազգային շարժումը հայտարարել էր ուժեղ քաղաքական բևեռ ձևավորելու մասին` որպես գործող քաղաքական համակարգին իրական այլընտրանք։ Դրանից հետո շարժումը մի քանի այլ մարդաշատ միջոցառումներ էր կազմակերպել նույն տրամաբանության շրջանակներում: Թե որքանով կապ ունեն նշյալ հավաքները, ճշտել չհաջողվեց: Մեր աղբյուրը նշեց, որ չի կարող ավելին գաղտնազերծել»:

Այս թեմայով Առաջիկայում ՀՀ-ն և Ադրբեջանը կծանուցեն միմյանց կանոնակարգի ուժի մեջ մտնելու վերաբերյալ․ Միրզոյան ՀՀ-ն դեռ հետևում է ԲՐԻԿՍ-ի գործունեությանը, իսկ Թուրքիան ու Ադրբեջանն արդեն հայտ են ներկայացրել. ՌԴ դեսպան Ձևավորվեց 3֊րդ ուժը Ստամբուլում մեկնարկել է «3+3» հարթակի երրորդ հանդիպումը ՆԱՏՕ-ն դարձել է եվրոպացիների խաբեության գլխավոր խորհրդանիշը` Երրորդ Ռեյխից ի վեր. Հելսինկիի համալսարանի պրոֆեսոր