Վրաստանում հաղթեց Ռուսաստանը. Զելենսկի

Վրաստանի ընտրություններում հաղթեց Ռուսաստանը. այս մասին ասել է Ուկրաինայի նախագահ Վլադիմիր Զելենսկին՝ մեկնաբանելով Վրաստանում կայացած խորհրդարանական ընտրությունները, գրում է eurointegration.com.ua կայքը:

Զելենսկու խոսքով՝ «այսօր Ռուսաստանը Վրաստանում հաղթել է՝ նախ այդ երկրի տարածքի մի մասը վերցնելով, իսկ հետո՝ փոխելով դրա քաղաքականությունն ու իշխանությունը»։

«Նախ նրանք (ՌԴ-ն) վերցրեցին Վրաստանի մի մասը, հետո փոխեցին քաղաքականությունը, փոխեցին իշխանությունը, հիմա էլ ռուսամետ իշխանություն է, ռուսամետ դիրքորոշումներ: Վրաստանի ընտրությունը Ռուսաստանի հետ բարեկամությունն է, ոչ թե ԵՄ-ի հետ քայլելը: Նրանք փոխեցին իրենց դիրքորոշումը: Ռուսաստանը այսօր հաղթեց: Նրանք խլեցին Վրաստանի ազատությունը», - ասել է նա։

Մեկնաբանելով Մոլդովայում ստեղծված իրավիճակը՝ Զելենսկին ասել է, որ այնտեղ ևս Ռուսաստանը «շարժվում է նույն ուղղությամբ»։

«Կտեսնեք, Ռուսաստանը նույն ճանապարհով է գնում, և նույնը կանի: Եթե Արևմուտքը չդադարեցնի իր խոսակցությունները կարմիր գծերի մասին, ապա մեկ-երկու տարուց կկորցնի Մոլդովան»,- վստահեցրել է Ուկրաինայի նախագահը:

Այս թեմայով Ռուսաստանը մտահոգված է, որ Արևմուտքը Վրաստանին «վերջնագրեր է ներկայացնում»․ Պեսկով Ռուսաստանը մտահոգված է խորհրդարանական ընտրություններից հետո Արևմուտքի կողմից Վրաստանին առաջադրած վերջնագրերով․ Պեսկով Եվրոպական մի շարք երկրներ չեն ճանաչում Վրաստանում ընտրությունների արդյունքները ՄԻՋԱԶԳԱՅԻՆ ՍԿԱՆԴԱԼ. Ընտրությունները Վրաստանում կեղծված են, իշխանությունները ոչ լեգիտիմ են, սկսելու են ցույցեր․ նախագահ Վրաստանում ընդդիմության ընդհանուր վարկանիշը գերազանցում է «Վրացական երազանք»-ի վարկանիշին