Սերժ Սարգսյանի կառավարման տարիներին ադրբեջանցին անգամ երազել չէր կարող, որ Շուշին ու Հադրութը կհայտնվեն իրենց վերահսկողության տակ

ՀՀԿ֊ական Հենրիխ Դանիելյանը գրում է

Նիկոլ Փաշինյանը և իր թիմը ամեն ինչ անում են, որ թուրքական մամուլի ներկայացուցիչներ հրավիրեն Հայաստան, մինչդեռ բաքվում գտնվող մեր հայրենակիցների համար ոչինչ չեն ձեռնարկում։ Փոխանակ միջազգային լրատվամիջոցների ուշադրությունը սևեռեն ադրբեջանում պահվող հայ պատանդների վրա և օգտագործեն ամբողջ դիվանագիտական ներուժը, որպեսզի COP-29-ը դառնա հնարավորություն՝ ազատելու Արցախի ռազմաքաղաքական ղեկավարությանը, նրանք նոր «ռեվերանս» են հորինում՝ թուրքերին հաճոյանալու և իրենց փլուզվող իշխանությունը մի քանի ամսով երկարացնելու նպատակով։

ՀՀ 3-րդ նախագահ Սերժ Սարգսյանի կառավարման տարիներին ադրբեջանցին անգամ երազել չէր կարող, որ Շուշին ու Հադրութը կհայտնվեն իրենց վերահսկողության տակ: Հիշենք 2016 թվականի 4-օրյա հաղթանակած պատերազմը, որի արդյունքում Իլհամ Ալիևը ասում էր, որ նրան փակ դռների ետևում ստիպում են ճանաչել Արցախի անկախությունը: Սերժ Սարգսյանի կառավարման տարիներին Ալիևը ավելի շուտ ծոծրակը կտեսներ, քան Շուշին: 2016 թվականի ապրիլյան մարտերի ընթացքում մեր բանակի տարած փայլուն հաղթանակին զուգահեռ Սերժ Սարգսյանը օգտագործել էր ողջ դիվանագիտական ներուժը՝ կանխելով Ադրբեջանի տեռորիստական քայլերը և ապահովելով միջազգային աջակցություն ԵԽԽՎ-ի, Մինսկի խմբի, միջազգային հանրության և միջազգային մամուլի մակարդակով:

Նույն Թուրքիան, որը Սերժ Սարգսյանի ժամանակահատվածում քննադատում էր Ադրբեջանին, այժմ, Նիկոլ Փաշինյանի օրոք, հպարտանում է Արցախի վերահսկողությամբ:

Սերժ Սարգսյանի օրոք՝

1. Հասարակությունը կուռ և միասնական կլիներ

2. Բանակը ամուր և կայուն կլիմեր

3. Միջազգային բոլոր հարթակներում դիվանագիտական բարձր մակարդակի աշխատանք կարվեր:

4. Հայաստան-Արցախ-Սփյուռք միասնությունը կպահպանվեր:

Այս թեմայով ՀՀԿ-ի և ՔՊ-ի տարբերությունը: Ինչպե՞ս համեմատել անհամեմատելին Սերժ Սարգսյանը ոչ միայն եղել է Հայոց Ցեղասպանության ճանաչման գործընթացի ջատագովն, այլ Ցեղասպանության ճանաչման գործընթացի աշխարհագրությունը կտրուկ մեծացել է 11 տարի անց․ Վրաստանը փորձում է պահպանել իր սուբյեկտայնությունը՝ հետևելով Սերժ Սարգսյանի օրինակին Սերժ Սարգսյանը լիներ երկրի ղեկավար ու Ադրբեջանը կարողանար Բաքվից դեպի հայկական Շուշի կամ Ստեփանակերտ օտարերկրյա հյուրեր տանե՞ր Այ քեզ անակնկալ. ԶԱՐՄԱՆՔ