Ռուսաստանին մեկուսացնելու Արևմուտքի փորձերը ձախողվել են. Լավրով (տեսանյութ)

Կազանում BRICS-ի գագաթնաժողովի արդյունքները ցույց տվեցին, որ Ռուսաստանին միջազգային ասպարեզում մեկուսացնելու Արևմուտքի փորձերը ֆիասկո էին, հայտարարել է ՌԴ ԱԳ նախարար Սերգեյ Լավրովը։ Այս մասին հաղորդում է Euromedia24.com–ը։

 

«Միջազգային ասպարեզում Ռուսաստանին մեկուսացնելու փորձերը նույնպես լիակատար ֆիասկո են. համաշխարհային մեծամասնության երկրները չեն հետևում Արևմուտքի օրինակին, դրա վկայությունն են Ռուսաստանի նախագահությամբ Կազանում կայացած BRICS գագաթնաժողովի արդյունքները»,- ասել է նա արտերկրում բնակվող ռուս հայրենակիցների ութերորդ համաշխարհային կոնգրեսի բացման ժամանակ։

 

«Հավաքական Արևմուտքը՝ ԱՄՆ-ի գլխավորությամբ, բառացիորեն կրկնապատկել է Ռուսաստանին համակարգված զսպելու իր ջանքերը և լայնածավալ հիբրիդային ագրեսիա սանձազերծել մեր երկրի դեմ՝ նպատակ ունենալով, ինչպես ասում են, ռազմավարական պարտություն հասցնել»,- ընդգծել է նա։

 

Բոլոր փորձերը դատապարտված են ձախողման, ասել է Լավրովը։