Սոցհարցման արդյունքներով Հարիսը Թրամփից առաջ է անցել մեկ տոկոսով

ԱՄՆ Դեմոկրատական կուսակցության թեկնածու Քամալա Հարիսը իր հանրապետական մրցակից Դոնալդ Թրամփից առաջ է անցել ընդամենը մեկ տոկոսով։ Հարիսին աջակցում է հարցված ամերիկացիների 44%-ը։ Այս մասին են վկայում Reuters-ի հարցման արդյունքները։

Հրապարակված հարցումը ցույց է տվել, որ Թրամփն առավելություն ունի Հարիսի նկատմամբ որոշակի հարցերում: Ինչ վերաբերում է ԱՄՆ-ում տնտեսությանն ու զբաղվածության խնդրին առնչվող թեկնածուների մոտեցումներին, ապա Թրամփին նախընտրել է հարցվածների 47%-ը, իսկ Հարիսին՝ 37%-ը։ Հարցման համաձայն՝ ընտրողների մոտ 48%-ը կարծում է, որ Թրամփի մոտեցումը ներգաղթի հարցում լավագույնն է, մինչդեռ Հարիսին ընտրել է 33%-ը:

Հարցումը նաև ցույց է տվել, որ Հարիսն առավելություն ունի քաղաքական ծայրահեղականության դեմ պայքարի խնդրում: Հարցմանը մասնակցած ընտրողների մոտ 40%-ն ասել է, որ նա ավելի լավ է պատկերացնում քաղաքական ծայրահեղականությանն ու ժողովրդավարությանն առնչվող մարտահրավերները, մինչդեռ Թրամփին տվյալ հարցում նախապատվություն է տվել 38%-ը:

Հարցումն անցկացվել է երեք օրվա ընթացքում։ Մասնակցել է 1,150 չափահաս ամերիկացի, այդ թվում՝ 975 գրանցված ընտրող։

ԱՄՆ-ում նախագահական ընտրությունները տեղի կունենան նոյեմբերի 5-ին։

Այս թեմայով Խաղաղության համաձայնագրի պայմաններն առկա են, և այն պետք է կնքվի COP 29-ից առաջ․ ՀՀ-ում Ֆրանսիայի դեսպան Հաղթի Թրամփը, թե` Հարիսը, Ուկրաինային ամերիկյան օգնությունը էապես կնվազի. Bloomberg «Վրացական երազանքը» ձայներիի 70 տոկոսի հաշվարկով 53 տոկոսով հաղթում է Կառավարության հետ հարցուպատասխանից առաջ ՔՊ-ն նիստ է հրավիրել Միշուստինը հայտարարել է, որ Ռուսաստանը շարունակում է առաջ շարժվել՝ չնայած մարտահրավերներին