Առանց պատճառի առաջացող կապտուկները կարող են վկայել վիտամին C-ի դեֆիցիտի մասին

Ամերիկացի գաստրոէնտերոլոգ Սաուրաբ Սեթհիի խոսքով՝ կապտուկների առաջացումը առանց մաշկի վրա էական ազդեցության կարող է լինել վիտամիններ C-ի եւ К1-ի անբավարարության հետեւանք։ Այս մասին տեղեկացրել է Daily Mail պարերականը։

Բժիշկը նշել է, որ C-ն (ասկորբինաթթու) կարեւոր դեր է խաղում ոչ միայն իմունային համակարգի ամրացման, այլեւ կոլագենի արտադրման համար, սպիտակուց, որն աջակցում է մաշկի, ոսկորների, մկանների եւ միավորող այլ հյուսվածքների կառուցվածքին։ Վիտամին C-ի անբավարարությունը թուլացնում է արյունատար անոթները, ինչը հանգեցնում է մարմնի վրա կապտուկների առաջացման։

Հայտնի է, որ վիտամին C-ի անբավարարության ամենածանր ձեւը ցինգան է։ Ցինգայի բնորոշ ախտանշաններն են լնդերի բորբոքային ախտահարումը, արնահոսությունը, մանր կետային եւ խոշոր արնազեղումները գերազանցապես ստորին վերջույթներում, ցավերը մկաններում եւ ոսկորներում, դեպրեսիվ վիճակը։

Սեթհին ավելացրել է, որ վիտամին C-ի պակասը կարող են լրացնել ցիտրուսները, տաքդեղը, բրոկոլին, անանասը, կիվին եւ կանաչիները։ Բայց այդ մթերքները պետք է օգտագործել խելամիտ չափաբաժիններով։ Ասկորբինաթթվի եւ կոլագենի ավելցուկը կարող են հանգեցնել երիկամներում քարերի առաջացման, գլխացավերի եւ հոգնածության։

Մարմնի կապտուկները կարող են վկայել վիտամին K1-ի անբավարարության մասին, որը կարեւոր է արյան մակարդելիության համար։ Այդ նյութի պակասը բարձրացնում է մազանոթների եւ այլ մանր անոթների պայթելու վտանգը, ինչը կարող է հանգեցնել ենթամաշկային արնահոսության։

Այս թեմայով Փոփոխություններ՝ «Զինվորական ծառայության և զինծառայողի կարգավիճակի մասին» օրենքում Ուկրաինական ռեսուրսները խոսում են Կուրախովկայի ողջ ճակատի փլուզման մասին (Քարտեզ) Ես միամիտ մարդ չեմ, իհարկե իմ մասին արտահոսքը պատահական չէր. Անդրանիկ Քոչարյանի ակնարկը «ՎՐԱՑԱԿԱՆ ԵՐԱԶԱՆՔԸ» ԵՐԱԶՈ՞ՒՄ Է ՌՈՒՍԱՍՏԱՆԻ ՄԱՍԻՆ Ընտրական տեխնոլոգիաներն աշխատել են առանց խափանումների․ Վրաստանի ԿԸՀ-ն արձագանքել է «հայկական կարուսելի» մասին Զուրաբիշվիլիի խոսքերին