Ռուսաստանը մտահոգված է խորհրդարանական ընտրություններից հետո Արևմուտքի կողմից Վրաստանին առաջադրած վերջնագրերով․ Պեսկով

Արևմտյան երկրները, մեկնաբանելով Վրաստանում ընտրությունների արդյունքները, հանդես են գալիս միջպետական հարաբերությունների համար միանգամայն անընդունելի հայտարարություններով, այդ թվում՝ վերջնագրերով, այդ պրակտիկան պետք է դադարեցվի: Այդ մասին ճեպազրույցի ժամանակ ասել է ՌԴ նախագահի մամուլի խոսնակ Դմիտրի Պեսկովը։

«Բարոյախրատական հայտարարություններ են հնչում ԱՄՆ-ից, ԵՄ-ից, որոնցում բառացիորեն՝ վերջնագրեր են ներկայացվում Վրաստանի ղեկավարությանը։ Այդ զզվելի  դրսևորումները  հակասում են միջպետական հարաբերությունների նորմերին, դրանց պետք է վերջ տրվի»,- ասել է Պեսկովը։

Նա նշել է նաև, որ Ռուսաստանը  մտահոգված է խորհրդարանական ընտրություններից հետո Արևմուտքի կողմից Վրաստանին առաջադրած այդ վերջնագրերով։

«Մենք չենք միջամտում հարևան երկրում տեղի ունեցողին, սակայն մտահոգված ենք, որ ԵՄ երկրները և Ամերիկայի Միացյալ Նահանգները երեկ իրենց պաշտոնական հայտարարություններում վերջնագրեր են ներկայացրել Վրաստանի ղեկավարությանը»,- հավելել է Պեսկովը։

Հիշեցնենք, որ Վրաստանի նախագահն ու  ընդդիմությունը չեն ընդունում հոկտեմբերի 26-ին տեղի ունեցած ընտրությունների արդյունքներով իշխող «Վրացական երազանքի»՝ 54 տոկոս քվեներով  վերընտրվելու փաստը, իսկ ԱՄՆ ու ԵՄ պաշտոնական ներկայացուցիչներն իրենց հերթին Վրաստանի վերընտրված իշխանություններին սպառնացել են «տհաճ հետևանքներով», եթե  նրանք չփոխեն իրենց արտաքին քաղաքական կուրսը։ 

Այս թեմայով Պեսկովը հայտարարել է ԿԺԴՀ-ի հետ հարաբերությունները զարգացնելու Ռուսաստանի շահագրգռվածության մասին Վթարից հետո բանկային քարտերն անհետացել են, գումարներ են հանել. Մաշ Իսրայելյանի քրոջ հետ եղել է պատգամավորի հարազատը Վրաստանում հաղթեց Ռուսաստանը. Զելենսկի Ռուսաստանը մտահոգված է, որ Արևմուտքը Վրաստանին «վերջնագրեր է ներկայացնում»․ Պեսկով ԱՄՆ-ը Վրաստանին սպառնացել է հետևանքներով, եթե նա պահպանի իր ներկայիս կուրսը