10 առարկաների մասով դասագրքեր չեն երաշխավորվել. նախապես ասվել է, որ ուսուցումը կազմակերպեն հին դասագրքերով. նախարար

Բոլոր դասագրքերը, որոնք պետք է տպագրված լինեին, տպագրված են եղել եւ տրամադրվել են դպրոցներին մինչեւ սեպտեմբերի 1-ը: Այս մասին այսօր՝ հոկտեմբերի 29-ին, ԱԺ-ում լրագրողների հետ զրույցում նշեց ԿԳՄՍ նախարար Ժաննա Անդրեասյանը՝ անդրադառնալով դպրոցական դասագրքերի տպագրությանը:

Դիտարկմանը, որ կան բողոքներ, որ որոշ դասագրքեր դպրոցները չեն ստացել օգոստոսի վերջին եւ սեպտեմբերի սկզբին, նախարարը պահանջեց նշել օրը եւ դպրոցը:

Հարցին՝ կարո՞ղ է հիմա նախարարը պնդել, որ որեւէ դպրոցում որեւէ դասագրքի խնդիր չկա, Անդրեասյանը պատասխանեց. «Մենք բոլոր դասագրքերը, որոնք մրցույթի արդյունքներով երաշխավորվել էին եւ պետք է տպագրվեին եւ լինեին դպրոցներում, դրանց բոլորի տպագրությունը կազմակերպվել է սահմանված ժամկետում եւ դրանք բոլորը եղել են դպրոցներում մինչեւ սեպտեմբերի 1-ը: Եղել են 10 առարկաներ, որոնցով դասագիրք չի երաշխավորվել: Կամ չի ներկայացվել մրցութային գործընթացում հայտ, կամ ներկայացվել է, բայց դրական եզրակացություն չի ստացվել: Այդ 10 դասարանների համար դպրոցներին նախապես դեռեւս օգոստոսին տեղեկացվել է, որ ուսուցումը կազմակերպեն հին դասագրքերով: Այսինքն եթե քիմիայի 10-րդ դասարանի համար նոր դասագիրք չի տպագրվել, պետք է կրթությունը կազմակերպվեր նախորդ տարվա դասագրքով: Այստեղ եւս, որեւէ խնդիր չենք ունեցել, որովհետեւ առկա են դասագրքերը:

Երեք առարկաների մասով, որոնցից մեկը 10-րդ դասարանի պատմությունն է եւ երկուսը 7-րդ եւ 8-րդ դասարանի թվային գիտություն, համակարգչային գրագիտություն առարկան է, մենք նյութեր ենք տրամադրել Տավուշի մարզում գործածված նյութերը: Ընդ որում, այս առարկաների մասով դասագիրքը պայմանական է, քանի որ հիմնական աշխատանքները պետք է գործնական բնույթ կրեն»,- հայտարարեց նախարարը:

https://youtu.be/TYSfI-MSu_E?si=w7yZxNE2BBrFlGmF

Այս թեմայով Հայաստանում դեգրադացիան նոր բարձունքներ է նվաճում. ԶԱՐՄԱՆՔ Սնուփ Դոգի համերգը նոյեմբերին, հնարավոր է, տեղի ունենա. Ժաննա Անդրեասյան Կրթության քանդողամայրը  կամ՝ «Ապագա կա՞» Կան քաղաքական ուժեր , որոնք սովորություն են դարձրել սեփական անհաջողությունները Սերժ Սարգսյանի և ՀՀԿ-ի վրա բարդե Ավանեսյան Անահիտին ճամփելու ժամանակները մոտենում են. ԲԱՄԲԱՍԱՆՔ