ՌԴ–ի կողմից միջամտություն չի եղել․ Պեսկովը՝ Վրաստանում ընտրությունների մասին

ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանը վճռականորեն մերժում է իր դեմ ուղղված մեղադրանքները՝ կապված Վրաստանի խորհրդարանական ընտրություններին միջամտության հետ։

«Մենք կտրականապես մերժում ենք նման մեղադրանքները։ Դրանք շատ երկրների համար ստանդարտ բնույթ են կրում: Գրեթե անմիջապես Ռուսաստանին մեղադրում են միջամտության մեջ։ Ոչ, դա ճիշտ չէ: Ոչ մի միջամտություն չի եղել։ Մեղադրանքները բացարձակապես անհիմն են»,- լրագրողներին ասել է Պեսկովը՝ պատասխանելով համապատասխան հարցին։

Մեկնաբանելով Վրաստանում խորհրդարանական ընտրությունների արդյունքները՝ նա ասել է, որ «դա վրաց ժողովրդի ընտրությունն է»։

«Այժմ շատ կարևոր է, որ ոչ մի երրորդ երկիր չմիջամտի այս ընտրությունների արդյունքներին։ Նույն տիկին նախագահը (Սալոմե Զուրաբիշվիլի - խմբ.) ասել է, որ չի ճանաչում այս ընտրությունների արդյունքները։ Ես չգիտեմ, թե արդյոք Վրաստանի նախագահի իրավասությունների շրջանակում է ճանաչել, թե չճանաչել ընտրությունները»,- ասել է Պեսկովը։

«Ամեն դեպքում, այս ամենը ներվրացական խնդիր է»,- հավելել է նա։

Այս թեմայով Պեսկովը հայտարարել է ԿԺԴՀ-ի հետ հարաբերությունները զարգացնելու Ռուսաստանի շահագրգռվածության մասին Ռուսաստանը մտահոգված է, որ Արևմուտքը Վրաստանին «վերջնագրեր է ներկայացնում»․ Պեսկով Ռուսաստանը մտահոգված է խորհրդարանական ընտրություններից հետո Արևմուտքի կողմից Վրաստանին առաջադրած վերջնագրերով․ Պեսկով ՌԴ նախագահի մասնակցությունը COP29-ին դեռ հաստատված չէ․ Պեսկով Ռուսաստանի և Հյուսիսային Կորեայի համագործակցությունն ուղղված չէ երրորդ երկրների դեմ․ Պեսկով