Հունգարիայի վարչապետը կայցելի Վրաստան

Հունգարիայի վարչապետ Վիկտոր Օրբանը հոկտեմբերի 28-29-ը այցով կժամանի Վրաստան, հայտնում է NewsGeorgia-ն՝ վկայակոչելով կառավարության մամուլի ծառայությանը։

Վրաստանի իշխանությունները Օրբանին անվանում են Եվրոպայում իրենց գլխավոր դաշնակիցներից մեկը։

Վրաստանում անցած շաբաթ օրը կայացած խորհրդարանական ընտրություններից հետո Օրբանն առաջինը շնորհավորեց իշխող «Վրացական երազանք» կուսակցությանը հաղթանակի կապակցությամբ, ընտրատեղամասերի փակվելուց անմիջապես հետո՝ չսպասելով անգամ նախնական արդյունքների հրապարակմանը։

Կառավարության վարչակազմում դիմավորման պաշտոնական արարողությունը նախատեսված է հոկտեմբերի 29-ին, որից հետո տեղի կունենան Օրբանի և Վրաստանի վարչապետ Իրակլի Կոբախիձեի հանդիպումը և պատվիրակությունների  ընդլայնված կազմի բանակցությունները։

Նախատեսվում է համատեղ մամուլի ասուլիս։

Օրբանի հետ միասին Վրաստան են մեկնելու Հունգարիայի պետքարտուղարը, արտաքին գործերի և առևտրի, էկոնոմիկայի և ֆինանսների նախարարները։

Այս թեմայով Զավեշտի ու պարադոքսների երկրի ենք վերածվել, աշխարհը չի հասկանում. Հայկ Ղազարյան Այս ազգը միայն դավաճանն ու պարտվողը չէ՛. Հայկ Ղազարյան (ԱՆՈՆՍ) Վրաստանի ներքաղաքական կայունությունը կարևոր է նաև Հայաստանի համար. Հասմիկ Մելիքսեթյան Միայն Ռուսաստանը կարող է ստրատեգիական միջուկային զենքով զսպել բոլոր մեխանիզմները. Հայկ Այվազյան Չարի վերջը…