«Վրացական երազանքը» պարտվել է Թբիլիսիում, սակայն հայաբնակ Ախալքալաքում հավաքել է ձայների գրեթե 90 տոկոսը

Իշխող «Վրացական երազանք» կուսակցությունը ընտրություններում պարտվել է Թբիլիսիում և այլ խոշոր քաղաքներում, մինչդեռ հիմնականում հայերով բնակեցված Նինոծմինդայում և Ախալքալաքում հավաքել է ձայների գրեթե 90%-ը, հաղորդում է NewsGeorgia-ն։

Ըստ ԿԸՀ կայքի նախնական արդյունքների. (Հաշվարկվել են 3111 ընտրատեղամասերից 2255-ի տվյալները) 

 «Վրացական երազանք»՝ 53.056%, 957.960 ձայն,

«Փոփոխությունների կոալիցիա – Գվարամիա, Մելիա, Գիրչի, Դրոա»՝ 11,177% (201․807 ձայն),

 «Միասնություն» («Ազգային շարժում», «Ագմաշենեբելիի ռազմավարություն», «Եվրոպական Վրաստան») - 9,852% (177․892 ձայն),;

 «Ուժեղ Վրաստան» («Լելո», «Հանուն ժողովրդի», «Ազատության հրապարակ», «Քաղաքացիներ») - 8,998% (162․459 ձայն),

 «Գախարիա – Հանուն Վրաստանի» – 8,228% (148․570 ձայն),

Ըստ Թբիլիսիի շրջանների իշխող կուսակցության արդյունքները հետևյալն են.

Մթածմինդա – 41,512% (14696 ձայն),

 Վակե – 38,003% (28,983 ձայն),

 Սաբուրթալո – 39,758% (38110 ձայն),

 Կրծանիսի – 48,831% (11002 ձայն),

 Իսանի – 45,298% (28767 ձայն),

 Սամգորի – 44,924% (37004 ձայն),

 Չուգուրեթի – 44,105% (17936 ձայն),

 Դիդուբե - 42,076% (17,234),

 Նաձալադևի - 42,571% (33,952),

 Գլդանի – 40,46% (34547)։

Ինչ վերաբերում է տարածաշրջաններին, ապա ընտրություններում «Վրացական երազանքին» չի հաջողվել հաղթել բոլոր խոշոր քաղաքներում։ Սրանք Թբիլիսիի սահմաններից դուրս գտնվող 74 շրջաններից հինգն են։

 Ռուսթավի – 40,99% (24815 ձայն),

 Զուգդիդի – 48,052% (6956 ձայն),

 Փոթի – 49,659% (45583 ձայն),

 Բաթումի - 49,659% (45,583 ձայն),

 Քութայիսի – 47,328% (35837)։

Իշխող կուսակցությունը լավագույն արդյունքներ է ստացել Սամցխե-Ջավախեթիում և Քվեմո Քարթլիում։ Սրանք այն շրջաններն են, որտեղ ապրում են էթնիկ փոքրամասնությունները, այդ թվում՝ հայեր և ադրբեջանցիներ։ Այս ընտրությունների ժամանակ խախտումների մասին հաղորդումների մեծ մասը հենց այդ տեղերից են եղել։ Մառնեուլիի շրջանում ընտրատեղամասերից մեկում նույնիսկ ստիպված են եղել չեղարկել արդյունքները՝ քվեաթերթիկների զանգվածային լցոնումների պատճառով։

Այնուամենայնիվ, նկատվում է նաև մեկ այլ միտում։ Պատմականորեն այս շրջանները հիմնականում քվեարկում են իշխող կուսակցության օգտին:

 Գարդաբանի - 70,831% (8919 ձայն),

 Մառնեուլի – 79,545% (19424 ձայն),

 Բոլնիս – 80,711% (18390 ձայն),

 Դմանիսի – 76,434% (6824 ձայն),

 Ծալկա – 69,335% (3387 ձայն),

 Ադիգենի - 71,309% (3,328 ձայն),

 Ախալքալաք՝ 88,933% (11749 ձայն),

 Նինոծմինդա – 89,771% (7802 ձայն)։

Հոկտեմբերի 26-ին Վրաստանում տեղի ունեցան խորհրդարանական ընտրություններ։ Ընտրատեղամասերը բացվել են 08:00-ին և փակվել 20:00-ին: Ընտրելու իրավունք ուներ 3,5 մլն քաղաքացի։ Նախնական տվյալներով, մասնակցությունը կազմել է գրեթե 59 տոկոս։

Ընտրություններին մասնակցել է 18 կուսակցություն։ Խորհրդարանի 150 պատգամավոր առաջին անգամ ընտրվում է ոչ թե խառը, ինչպես նախկինում, այլ ամբողջովին համամասնական ընտրակարգով։ Օրենսդիր մարմին մտնելու համար կուսակցությունները պետք է հաղթահարեն հինգ տոկոսանոց շեմը։

Այս թեմայով Վրացական ընդդիմադիր կուսակցությունների առաջնորդները հանդիպել են երկրի նախագահի հետ «ՎՐԱՑԱԿԱՆ ԵՐԱԶԱՆՔԸ» ԵՐԱԶՈ՞ՒՄ Է ՌՈՒՍԱՍՏԱՆԻ ՄԱՍԻՆ ՌԴ-ն չի պատրաստվում ներքաշվել սպառազինությունների նոր մրցավազքի մեջ, սակայն միջուկային ուժերը կպահպանի անհրաժեշտ բավարար մակարդակի վրա. Պուտին Թբիլիսիում տեղի ունեցավ առաջին հանրահավաքը. ինչ հեռանկարներ կան Թբիլիսիում հատուկ ջոկատայիններ են տեղակայվել խորհրդարանի շենքի մոտ. իրավիճակն՝ այս պահին