Ինձ համար Հոկտեմբերի 27-ի գործը բացահայտված է, բայց անուններ չեմ տա. Արամ Սարգսյան

Ես չգիտեմ՝ «Հոկտեմբերի 27»-ի գործի ամբողջական բացահայտմանն ինչն է խոչընդոտում, դա հարցրեք քննչական մարմիններին, դատախազությանը, ինձ համար գործը բացահայտված է: Այս մասին, այսօր ԱԺ բակում լրագրողների հետ զրույցում նշեց «Հանրապետություն» կուսակցության ղեկավար, Սպարապետ Վազգեն Սարգսյանի եղբայր Արամ Սարգսյանը:

«Եթե ակնկալում եք, որ ես պետք է որեւէ անհատի կամ մարդու անուն տամ, ես նման բան չեմ անի: Ես ժամանակների ու իրավիճակի գնահատականն եմ տալիս: Այդ գնահատականը 25 տարի առաջ ու այսօր քաղաքական իրավիճակները գրեթե նույնն են: Կա պետություն, որն էն ժամանակ էլ ու հիմա էլ կողմ է Մեղրիով միջանցք ունենալուն, կամ այն ժամանակ Մեղրին Լաչինով փոխանակելու, եւ կան քաղաքական գործիչներ ու անհատներ, որոնք այն ժամանակ էլ կողմ էին եւ համարում էին դա լավ տարբերակ, հիմա էլ են այդպես համարում: Անգամ Լաչինն ու Մեղրին նույնականացնում են: Եվ կա պետություն, որ դրան դեմ է, այդ պետության անունը ԱՄՆ է, որն այն ժամանակ էլ թույլ չտվեց: Դա էր պատճառը, որ Հեյդար Ալիեւը Քի Վեսթում դեմ գնաց այդ տարբերակին, ինչի համար էլ Ալիեւին բոնուսներ տվեցին: Այդ բոնուսները եղան Բաքու-Ջեյհան նավթատարի եւ այլնի առումով:

Այսինքն խնդիրն աշխարհաքաղաքական է եւ այդ համատեքստում կան քաղաքական ուժեր, որոնք կողմն են դրան, կան ուժեր, որ դեմ են դրան: Դրան այն ժամանակ դեմ էր եղբայրս, դեմ էր Կարեն Դեմիրճյանը: Հիմա, այսքան տարի մշտապես դեմ եմ եղել ես»,- հայտարարեց Արամ Սարգսյանը:

Հիշեցմանը, որ գործող իշխանությունը խոստանում էր բացահայտել «Հոկտեմբերի 27»-ը, մինչդեռ 6 տարի անց այն չի բացահայտված, Արամ Սարգսյանն ասաց. «Այդ հարցը տվեք իշխանությանը, թե ինչն է խանգարել բացահայտելուն: Ես կարծում եմ, որ արտաքին քաղաքական հետքից բացի կա ներքաղաքական մասնակիցներ, որոնք քրեական գործով անցնում են: Այդ համատեքստում բացահայտման եւ գործը նորից սկսելու հնարավորությունները ինչքանով են հնարավոր, ես չեմ կարող գնահատել, որովհետեւ վկաների մի ստված զանգված  բանտերում մահացան, մի ստվար զանգված տարբեր երկրներում մահացան ու անհետ կորան: Դա այնքան էլ հեշտ գործ չի՝ անկախ նրանից, իշխանությունն ուզում է բացահայտել, թե ոչ»:

Նա վստահություն հայտնեց, որ գործող իշխանությունը շատ կուզենար բացահայտել «Հոկտեմբերի 27»-ը եւ բացահայտվեր այն մարդկանց վրա, որոնց ժողովուրդը կասկածում է. «Ես դրանում կասկած չունեմ: կարողանում են, թե չեն կարողանում, դա արդեն քննիչների խնդիր է»:

Այս թեմայով Դժոխք ուկրաինական ուժերի համար Կուրախովոյում, պաշտպանությունը փլուզվում է աչքի առաջ. Ուկրաինացի ռազմական վերլուծաբան Կարևոր «Գրին քարտի» խաղարկությանը մասնակցել ցանկացողների համար ՀՀԿ-ի և ՔՊ-ի տարբերությունը: Ինչպե՞ս համեմատել անհամեմատելին Սերժ Սարգսյանը ոչ միայն եղել է Հայոց Ցեղասպանության ճանաչման գործընթացի ջատագովն, այլ Ցեղասպանության ճանաչման գործընթացի աշխարհագրությունը կտրուկ մեծացել է Ինչպես են վրացի ընդդիմադիրները արդարանում ընտրազանգվածի առաջ. Բացառիկ