Իսրայելի հրթիռային հարձակումն Իրանի վրա «Արևելքի լավագույն ավանդույթներով» էր՝ մեծ աղմուկ, նվազագույն արդյունք

Իսրայելի հասցրեց խոստացած պատասխան հարվածն Իրանին:

Կարելի է ասել, որ տեղի ունեցածը «Արևելքի լավագույն ավանդույթներով» էր՝ մեծ աղմուկ, նվազագույն արդյունք:

Հրթիռային գործարանները, անօդաչու թռչող սարքերը և ռազմավարական այլ օբյեկտները խոցվել են, պաշտոնապես պնդում է Իսրայելը։ Նաեւ, թե պայթյուններ են եղել Թեհրանում:
Իրանցիները հայտնել են, որ իսրայելյան հրթիռների հարվածների արդյունավետությունը զրո է, բոլորը խփվել են։

Նման է, որ թե՛ առաջինը, թե՛ երկրորդը ստում են։ Հրթիռներն իրոք արձակվել են, դրանք ինչ-որ տեղ պետք է պայթեին (շուտով ավելի հստակ կդառնա)։ Բայց նախնական տպավորությամբ, լուրջ վնաս չեն հասցրել Իրանին։ Առավել եւս, միջուկային եւ ռազմավարական այլ օբյեկտներին հարվածներ չեն հասցվել: Իսկ իրավիճակը Թեհրանում, ինչպես հաստատում են տարբեր տեսանյութերը, սովորականից ոչնչով չի տարբերվում: Թեհրանի աղբյուրները հաստատում են, որ որոշ պայթյունանման աղմուկ լսվել է, սակայն հետո հաստատվեց, որ դա իրանական պաշտպանական հրթիռների արձակումներն էին: Մեկ-երկու պայթյուն Թեհրանի մերձակայքում միգուցե եղել են` իսրայելը ինչ-որ լուսանկարներ է տարածել: Բայց գոնե ներկա տվյալներով դրանք դժվար է էֆեկտիվ համարելը: Բանը հասավ նրան, որ անգամ իսրաելյան լրատվական դաշտն է ակնհայտ հիասթափություն հայտնում այդ պատասխան հարվածից:

Սա արդեն իսկ խոսում է այն մասին, որ Իսրայելը, ինչպես և նախկինում Իրանը, հակված չեն սրել պատերազմը միմյանց դեմ։ Ընդամենը, ուժ ցույց տալու սցենարն է գործում: Իրանի պարագայում պատերազմից խուսափելը հասկանալի է. որեւէ տարբերակով դա Թեհրանին ձեռնտու չէ, ներկայումս այլ խնդիրներ են լուծվում: Իսրայելին, ավելի կոնկրետ` գործող իշխանություններին պատերազմ պետք է: Բայց մեծ է ռիսկը, որ կմնան առանց ԱՄՆ-ի օգնության: Իսկ դա Իսրայելի համար մահացու վտանգ է:

Մի խոսքով, ինչպես ցույց տվեցին վերջին շաբաթները, ոչ Իրանը, ոչ Իսրայելը դեռ պատրաստ չեն նման պատերազմի: 

Բայց պաշտոնապես հարվածը հասցված է, Իրանը կանխավ խոստացել է պատասխանել։ Այսինքն, միմյանց այս կիսատ-պռատ հարվածների պրակտիկան երեւի դեռ երկար կշարունակվի։

Ի դեպ այն, որ Իսրայելն այս պատասխան հարվածը հասցրեց ՌԴ-ում կայացած ԲՐԻԿՍ-ի գագաթաժողովից հետո, իր հերթին է շատ բանի մասին խոսում: Թել Ավիվն ակնհայտորեն խուսափեց գագաթաժողովը հարամել, որի դեպքում հարաբերությունները Մոսկվայի եւ Պեկինի հետ կարող էին տեղափոխվել թշնամանքի մակարդակ:

Այս թեմայով Իսրայելն Իրանի դեմ վերջին հարվածների ժամանակ օգտագործել է Իրաքի և այլ երկրների օդային տարածքը. Արաղչի Իլոն Մասկի ընկերությունը խնդիրներ է ստեղծել Իրանի գերագույն առաջնորդի ադրբեջաներեն օգտահաշվում Իրանի մշտական ներկայացուցիչը հայտարարել է, որ ԱՄՆ-ն պատասխան կտա Իսրայելի հարձակման համար Իրանի և Թուրքիայի հետ սահմանից ՌԴ սահմանապահների դուրսբերման որոշում չկա. ՀՀ ԱԱԾ տնօրեն Իսրայելի հարվածը կաթվածահար է արել Իրանում բալիստիկ հրթիռների արտադրությունը. Axios