ՀՖՖ-ն հասկանում է, որ ես իսկապես կարող եմ օգնել ազգային հավաքականին, բայց չեն գնան դրան.Եղիշե Մելիքյան

Երևանի «Փյունիկի» գլխավոր մարզիչ Եղիշե Մելիքյանը գնահատել է ֆուտբոլի Հայաստանի ազգային հավաքականը գլխավորելու հավանականությունը։

«Դա շատ նուրբ հարց է: Չէի ցանկանա մեկնաբանել, բայց, ամեն դեպքում, մի քանի բառ կասեմ: Արդեն մի քանի տարի «Փյունիկի» ու Հայաստանի ֆուտբոլի ֆեդերացիայի միջև կոնֆլիկտ կա: Հենց սկզբից ես աջակցում եմ մեր ակումբի նախագահին: Ես պայքարում եմ նրա համար թե՛ ֆուտբոլային խաղադաշտում, թե՛ դրանից դուրս: Կարծում եմ՝ այդ փաստը կխանգարի ինձ գլխավորել Հայաստանի հավաքականը: Վստահ եմ՝ մեր ֆեդերացիայում հասկանում են, որ ես իսկապես կարող եմ օգնել ազգային հավաքականին, բայց չեն գնան դրան: Այնտեղ մարդիկ են, որոնց քիչ է հետաքրքրում արդյունքը, ավելի կարեւոր են նրանց ամբիցիոզ դիրքորոշումները։

Եթե հասարակությունը ցանկանա դա և հայտնի այդ մասին, միայն այդ ժամանակ պատրաստ եմ համապատասխան քայլեր անել: Ինձ համար շատ կարևոր է երկրպագուների կարծիքը և ակումբի նախագահի կարծիքը, քանի որ կոնֆլիկտը շատ լուրջ է»,- 45-ամյա մասնագետի խոսքը մեջբերում է Sport.ua-ն։

Այս թեմայով Ցավալի է, որ այս պատմանական իրադարձությանը հետևում էր նա, ում «ջանքերով» պղծվել են տասնյակ խորաններ. Մելիքյան Քաղբանտարկյալ Նարեկ Մալյանը սեպտեմբերի 19-ին, օրենքի ուժով ազատ է արձակվելու Դրախտ ընկնելը երաշխավորող օրենքի նախագիծ՝ ի հեճուկս Եվրոքվեի. ԶԱՐՄԱՆՔ Սա խայտառակություն է. ԶԱՐՄԱՆՔ Աշոտյանին բոլոր հնարավոր ձևերով գաղտնալսել են, բայց մեզ չեն ասում՝ ինչ են հայտնաբերել. Մելիքյան