Լևոն Ջուլֆալակյանը կընդգրկվի Ռուսաստանի ըմբշամարտի ֆեդերացիայի համակարգում

Օլիմպիական չեմպիոն, հունահռոմեական ոճի ըմբշամարտի Հայաստանի հավաքականի նախկին գլխավոր մարզիչ Լևոն Ջուլֆալակյանը Ռուսաստանի քաղաքացիություն ստանալուց հետո կընդգրկվի Ռուսաստանի ըմբշամարտի ֆեդերացիայի (ՌԸՖ) համակարգում։ Այդ մասին հայտնել է ՌԸՖ-ի նախագահ Միխայիլ Մամիաշվիլին։ 

«Լևոն Ջուլֆալակյանը մեր մարզաձևի վառ ներկայացուցիչներից է, նրա ամբողջ կյանքը կապված է մարզական ըմբշամարտում աշխատանքի հետ։ Նրա ահռելի փորձը թույլ է տվել Հայաստանի հավաքականի հետ հաջողությունների հասնել բարդ պայմաններում։ Նա Ալեքսանդր Կարելինի, Կամանդար Մաջիդովի ու ձեր խոնարհ ծառայի հետ միասին հաղթել է 1988թ․ Սեուլի Օլիմպիական խաղերում։ Նա կլինի ՌԸՖ-ի համակարգում հորհրդատուի, խորհրդականի ու մեր ընկերոջ կարգավիճակում, դա միանշանակ է»,- Մամիաշվիլիի խոսքը մեջբերում է Tass.ru-ն։

Հիշեցնենք, որ 60-ամյա Լևոն Ջուլֆալակյանը 1999-2019 թթ. գլխավորել է հունահռոմեական ոճի ըմբշամարտի Հայաստանի հավաքականը։

Այս թեմայով Լևոն Ջուլֆալակյանը ՌԴ քաղաքացիություն է ստացել ԱՆՎԱՆԻ ՄԱՐԶԻՉ ԼԵՎՈՆ ՋՈՒԼՖԱԼԱԿՅԱՆԸ ՆԵՐԱՌՎԵԼ Է ԸՄԲՇԱՄԱՐՏԻ ՀԱՄԱՇԽԱՐՀԱՅԻՆ ՖԵԴԵՐԱՑԻԱՅԻ ՓԱՌՔԻ ՍՐԱՀՈՒՄ ՀԱՅԱՍՏԱՆԻ ՊԱՈՒԵՐԼԻՖԹԻՆԳԻ ՖԵԴԵՐԱՑԻԱՅԻ ՀԱՆՐԱՊԵՏԱԿԱՆ ՄՐՑԱՎԱՐՆԵՐԸ ՍՏԱՑԵԼ ԵՆ ԻՐԵՆՑ ԳՐՔՈՒՅԿՆԵՐԸ Ստեղծվել է Գրիգորի Խաչատուրովի իրավունքների հանրային պաշտպանության նախաձեռնություն Լեռնադահուկային սպորտի միջազգային մրցումներին կմասնակցեն 44-օրյայի մասնակիցներ Էրիկ Գրիգորյանը եւ Տիգրան Գրիգորյանը