Նոյեմբերի մեկից տրանսպորտից օգտվելիս միայն 100 դրամանոցներով և տոմսային միասնական համակարգով վճարելու դեպքում խուսափելու ենք ստվերից. Ավինյան

Նոյեմբերի 1-ից մենք խնդրում ենք օգտվել 100 դրամանոց մետաղադրամից կամ միասնական տոմսային համակարգի տրված հնարավորություններից: Այս մասին Երևանի քաղաքապետարանի գործակարգավարական նիստին հայտարարեց քաղաքապետ Տիգրան Ավինյանը:

«Սա առաջին հերթին մեզ օգնելու է հասույթների շարունակական աճն ապահովել, հնարավորինս խուսափել ստվերից և երկրորդ հերթին անցումը դեպի միասնական համակարգ շատ ավելի դյուրին է դարձնում»,- ասաց նա:

Նրա խոսքով՝ Երևանի քաղաքապետարանը գնում է այն ուղղությամբ, որ ունենանք  բարեկեցիկ շարունակական զարգացող հասարակական տրանսպորտ:

«Ինչ վերաբերում է հաջորդ տարվա տոմսային համակարգի կիրառման հենց բուն գործընթացին, որտեղ ունենալու ենք շաբաթական, ամսական, տարեկան սակագին, ուզում եմ հատուկ շեշտել, որ հաջորդ տարի որպեսզի կարողանանք զարգացումն ապահովել մեր տրանսպորտային համակարգի, Երևանի քաղաքապետարանը միայն այս տեմպերով ծախսերի ավելացման բեռը իր վրա չի կարողանալու վերցնել և պահել, հետևապես, տոմսային համակարգը որոշ չափով մեղմելու է ֆինանսական այդ բեռը»,- ասաց քաղաքապետը:

Այս թեմայով Իրանը խաղաղության կողմնակից է, բայց անհրաժեշտության դեպքում կպաշտպանի իր ժողովրդի իրավունքները․ Փեզեշքիան Միլիոնավոր ադրբեջանցիներ սպառնում էին. Ավրաամ Ռուսսոն` իր դեմ կազմակերպված մահափորձի մասին և ոչ միայն ՀՀ-ում շրջանառվում են ռինովիրուսի, բոկավիրուսի, կորոնավիրուսի հարուցիչներ. ինչ անել խուսափելու համար Պուտինի ձեռքում նկատվել է BRICS-ի ենթադրյալ միասնական արժույթի թղթադրամը (լուսանկարներ) Զախարովան «հիշեցրել է», որ Հրվ.Կովկասում տնտեսական և տրանսպորտային միջանցքների ապաշրջափակումը հնարավոր է միայն ՌԴ-ի մասնակցությամբ