Մանրամասներ Նեթանյահուի տան վրա անօդաչուի հարձակման մասին. «Երկաթե գմբեթը» էլի ձախողվեց

Որոշ հավելումներ Նեթանյահուի տան վրա անօդաչու թռչող սարքի հարձակման մասին

Իսրայելական ​​Yedioth Ahronot թերթի փոխանցմամբ՝ Կեսարիայում անօդաչու թռչող սարքի հարձակման թիրախը եղել է վարչապետ Նեթանյահուի տունը։
Կեսարիային գրոհած անօդաչու թռչող սարքը Լիբանանից 70 կմ է անցել։ 
Yediot Ahronot-ը հայտնում է նաև, որ Նեթանյահուի գրասենյակը հրաժարվել է հայտնել վարչապետի գտնվելու վայրը` անօդաչու թռչող սարքի հարձակման ժամանակ։
​​Walla կայքը հայտնում է, որ անօդաչու թռչող սարքի հարվածի վայր են ժամանել ոստիկաններ։
Walla-ն նաև հայտնում է, որ Թել Ավիվից հարավ գտնվող Կեսարիայի վրա մարտական ​​ինքնաթիռների և ռազմական ուղղաթիռների ակտիվություն կա:
​​Maariv թերթը հայտնում է, որ մեկ շաբաթվա ընթացքում սա արդեն երրորդ դեպքն է, երբ «Հըզբոլլահի» անօդաչու սարքերը կարողանում են ներթափանցել Իսրայելի խորքերը:

Իսկ ահա «Հեզբոլլահի» եւ իրանական աղբյուրները հայտնում են, որ այս խարձակման խնդիրն ամենեւին էլ Նեթանյահույին ոչնչացնելը չէր: Սա ընդամենը ցուցադրական ժեստ էր: Այն է` ««Հըզբոլլահի» անօդաչու թռչող սարքերը անցել են իսրայելյան սահմանը, երկրի տարածքում անցել է տասնյակ կիլոմետրեր, շրջանցել է իսրայելյան ուղղաթիռին (Տեսանյութում-Հեղ,) հաղթահարել փառաբանված «երկաթե գմբեթը» և վայրէջք կատարել իսրայելյան ամենապաշտպանված օբյեկտներից մեկի` Նեթանյահույի տան մոտ: Ահա այսքան խոցելի է Իսրայելն ու անձամբ Նեթանյահուն»: