Ալեն Սիմոնյանը՝ Քյարամյան-Աղազարյան բախման մասին

Չի կարելի քննչական կոմիտեի ղեկավարին՝ ուժային կառույցի ղեկավարին վիրավորել, անարգել, որովհետև կառույցն ինքնին շատ բարդ և ծանր, հատուկ սպեցիֆիկա ունեցող ոլորտի հետ աշխատող կառույց է, և միևնույն ժամանակ չի կարելի պատգամավորների հանդեպ անհարգալից լինել, ես դա միանշանակ անընդունելի եմ համարում»,- անդրադառնալով օրերս ԱԺ-ում ՔԿ նախագահ Արգիտի Քյարամյանի և ՔՊ-ական պատգամավոր Հովիկ Աղազարյանի մասնակցությամբ միջադեպին՝ «Ազատության»-ը տված հարցազրույցում սաց ԱԺ նախագահ Ալեն Սիմոնյանը։

Նա նշեց՝  միջադեպի հետ կապված հարցը քննարկում են ու կշարունակեն քննարկել ՔՊ-ում։

«Կարգապահական վարույթ ունենք նաև ՔՊ կուսակցության ներսում՝ պատգամավորների նկատմամբ՝ կապված այդ միջադեպի հետ, որը կքննարկենք վարչության գալիք նիստերի ընթացքում»,- ասաց Սիմոնյանը՝ չհստակեցնելով, սակայն, թե խոսքը ո՛ր պատգմավորի կամ պատգամավորների մասին է։ Նրա խոսքով՝ գուցե պարզվի, որ Աղազարյանից բացի, այլ պատգամավորներ էլ են «ինչ-որ բան արել»։

«Քննություն կա։ Քննություն կա նաև ՔԿ ղեկավարի մասով, բայց արդեն իրենց լիազորությունների սահմանում։ Ծառայողական քննություն է»,- ասաց նա։

Ալեն Սիմոնյանը վստահեցրեց նաև, թե տեղյակ չէ, չի լսել խոսակցություններ, որ ՔՊ-ն ՔԿ նախագահ Քյարամյանի պաշտոնանկության հարցով ստորագրահավաք նախաձեռնի այնպես, ինչպես դա արվեց արդարադատության նախարարի պարագայում։

«Չգիտեմ, այդպիսի բան չի քննարկվել»,- ասաց նա՝ հավելելով, որ նշված երկու իրադարձություններն իրար հետ համեմատելը «տեղին չէ»։

Այս թեմայով Փոփոխություններ՝ «Զինվորական ծառայության և զինծառայողի կարգավիճակի մասին» օրենքում Ուկրաինական ռեսուրսները խոսում են Կուրախովկայի ողջ ճակատի փլուզման մասին (Քարտեզ) Ում գլխին կընկնի Նիկոլի չագուչը Ես միամիտ մարդ չեմ, իհարկե իմ մասին արտահոսքը պատահական չէր. Անդրանիկ Քոչարյանի ակնարկը Ափսոսում եմ ԱԺ-ում տեղի ունեցած միջադեպի առթիվ․ Արգիշտի Քյարամյան (տեսանյութ)