Քանի՞ երեխա դեռ պիտի զոհվի ավտովթարից, որ տեղներիցդ շարժվեք, Նիկո՛լ Փաշինյան, այդքան հե՞շտ է գյուղի պայմաններում երեխա մեծացնելը, որ ավտովթարի զոհ դառնան. մահացած երեխայի մորաքույր

Գիշերը ժամը 1-ին կանգնեց այս լուսեղեն էակի, իմ քրոջ աղջկա սիրտը, ում հիվանդանոց էին տեղափոխել Շատինով անցնող միջպետական ճանապարհի վրա տեղի ունեցած ավտովթարից»․ երեխայի մորաքույրը՝ Մերի Սարգսյանը, գրառում է արել՝ մեղադրելով մի շարք պատկան մարմինների եւ վարչապետ Նիկոլ Փաշինյանին:

«Ուզում եմ պատկան մարմիններին մի քանի հարց տալ.

Եղեգիսի համայնքապետարան, դուք ինչու՞ մինչև հիմա ստորգետնյա անցում կամ վերգետնյա կամուրջ կամ ճանապարհի պատշաճ կահավորում այդ հատվածում չեք կազմակերպում, կամ գոնե չեք պահանջում։ Շատ վատ եք աշխատում, եթե իհարկե աշխատում եք, այլ ոչ թե աշխատանքի բարեհաջող իմիտացիա անում։ Քանի՞ երեխա դեռ պիտի զոհվի ավտովթարից, որ տեղներիցդ շարժվեք։

ՀՀ Վայոց ձորի մարզի Շատինի միջնակարգ դպրոց, ձեզ դատ է հասնում, եթե մի քիչ խիղճ ու մասնագիտական արժանապատվություն ունենաք, տնօրեն, դասվար, ու պարապող ուսուցիչ, հերթով դիմում կգրեք ու գործից դուրս կգաք ու էլ կրթական համակարգին մոտ չեք գա այլևս։

ՀՀ Վայոց ձորի մարզպետի աշխատակազմ, դուք ինչու՞ գյուղամեջերով անցնող միջպետական ճանապարհների պատշաճ կահավորում չեք կատարում, այդքան դժվա՞ր է տենդեր հայտարարելը։

ՀՀ տարածքային կառավարման և ենթակառուցվածքների նախարարություն, պատասխանեք՝ հասկանամ, այդքան տենդերներ եք հայտարարում ու այդքան ասֆալտ եք անում, հասկացանք, իսկ ինչու՞ բնակավայրերի միջով անցնող միջպետական ճանապարհները նորմալ չեք կարգավորում, այդքան դժվա՞ր է վերգետնյա կամուրջ սարքելը ամեն գյուղում, ուզում եմ հասկանալ, քանի՞ երեխա պիտի զոհվի ձեր փնթի աշխատանքի արդյունքում, որ մի քիչ նորմալ աշխատեք, չեմ էլ ասում լավ, բայց իմացեք, որ Աստղիկիս մահը նաև ձեր խղճին է։

ՀՀ ՆԳՆ ոստիկանություն, այդքան շատ տեսալուսանկարահանող սարքեր եք դրել, իսկ ինչու՞ մի հատ կնոպկայով աշխատող լուսացույց չեք դնում գյուղամեջերով անցնող միջպետական ճանապարհների խաչմերուկների վրա։ Թե՞ դրանից տուգանք չկա, նաև դուք եք մեղավոր այս համատարած փնթի կառավարման արդյունքում անմեղ զոհերի համար։ Իմ քրոջ երեխայի մահը նաև ձեր խղճին է, իմացեք։

Ու ամենավերջում՝ Նիկոլ Փաշինյան,այդքան հե՞շտ է գյուղական պայմաններում երեխա մեծացնելը, որ այդպես հեշտ ու հանգիստ ավտովթարի զոհ դառնան։ Դուք ինչու՞ չեք ստուգում, որ գյուղամեջերով անցնող միջպետական ճանապարհները նորմալ կահավորում ունենան։

Չգիտեմ, էլ ում դիմեմ։ Ուղղակի չեմ ուզում, որ այսուհետ այսպիսի ցավի հետ առնչվեն այլ ծնողներ նույնպես։

Չեմ հասկանում, թե ում էինք վատություն արել այսօրվա ցավի համար»։

Ավելի  վաղ հայտնել էինք, որ Վայոց ձորում վրաերթի ենթարկված 8-ամյա աղջիկը մահացել է «Սուրբ Աստվածամայր» բժշկական կենտրոնում:

Այս թեմայով Սպիտակ տանը Հելոուինի տոնակատարության ժամանակ Բայդենը կատակով «կծել է» երեխայի ոտքը (տեսանյութ) ՄԱՆԿԱՊՂԾՈՒԹՅՈՒՆ. Հարազատ պապիկը պարբերաբար ոտնձգություն է կատարել իր 6-ամյա երեխայի նկատմամբ «Հրապարակ». Քանի՞ «հաջողակ տղամարդ» է մասնակցելու Աննա Հակոբյանի հետ ընթրիքին ԱՄՆ-ում կորցրել են հաշիվը, թե քանի Abrams է ոչնչացվել Ուկրաինայում Նիկոլի ինքնախոստովանությունը. ԸՆԿԵՐ ՓԱՆՋՈՒՆԻ