Գլխապտույտ մեդալների քանակից, թե քաղաքական սնանկություն ՔՊ-ում

ՀՀԿ֊ական Հենրիխ Դանիելյանը գրում է

Գլխապտույտ մեդալների քանակից, թե քաղաքական սնանկություն ՔՊ-ում?

Ընդհանրապես, պատմության մեջ շատ են հանդիպում մարդիկ, որոնք ինչ-ինչ պատճառներով կորցնում են հողը ոտքերի տակից և վերադառնում իրականություն միայն այն ժամանակ, երբ երկնքից կործանված ընկնում են։ Կամ ճանապարհին հասկանում են, որ այլևս չեն լինի այն բարձրության վրա, որտեղ կային, կամ էլ ջարդուփշուր են լինում այդ բարձրությունից ընկնելով։ Եվ կապ չունի՝ դու ընդդիմադիր ես, թե իշխանական, մարդու «աստղայինը» որ տանում է, տանում է։ Անդրադառնալով այսօրվա ԱԺ-ի միջադեպին, պետք է փաստենք մի քանի կարևոր կետ:

 1. Քյարամյանը ՔՊ-ին՝ իշխող կուսակցությանը, ցույց տվեց, որ ոչ միայն ընդդիմադիրները կարող են ռեպրեսիաների ենթարկվել ուժայինների կողմից, այլև, ըստ Քյարամյանի ակնարկի, «կոռումպացված»՝ այսինքն, փակագծերում՝ կոռուպցիայի դեմ կռիվ տվող իշխանավորները, որոնք ոչ վաղ անցյալում ծափ էին տալիս այն դահլիճում, որից հիմա նեղացած դուրս են գալիս՝ ի ցույց դնելով ըմբոստություն և անհամաձայնություն անարդարության նկատմամբ։ Ըմբոստություն, որը ցուցադրաբար դրսևորում էր Քյարամյանից նեղացած Վահագն Ալեքսանյանը:

2. Երկրորդ կարևոր կետը իշխանության ներսում առկա իրավիճակն է՝ այն «բարդակը», որ ձևավորվել է մինչ վարչապետը տարբեր տեսարժան վայրերում հեծանիվ էր քշում։ «Բարդակ», համեմված իրար վրա գործ տալով, իրար փնովելով, ներքին պառակտումներով և թիմի ներսում թևերի բաժանվելով՝ «ավինյանականներ», «ալենականներ», «պապիկյանականներ» և այլն:

3. Սա պոռթկում էր՝ իրականության պոռթկում, որը ասում էր հետևյալը. ինչպես Նիկոլը մարդկանց տվեց Ազգային հերոսի կոչում և հետո սարքեց դավաճան, այնպես էլ այսօր իր ուժային մի հատվածի ղեկավարը հստակ հաթաթա կտա ԱԺ իշխող խմբակցության վրա։ Իսկ վաղը կասեն, որ դուք ևս այն «Ազգային հերոսի» շքանշան ստացած դավաճանների շարքերում եք։

Հ.Գ.Ըստ «Օդում կախված» լուրերի, ՔՊ-ում քաղաքական թիմի դերակատարների մոտ խորը մտահոգություն է առաջացրել այսօրվա միջադեպը, այնքան խորը, որ որոշները ուզեցել են լքել իսկ մյուսները համոզել են իրար՝ դեռ պետք չէ լքել խորտակվող նավը։

Այս թեմայով Հայաստանում խոսքի կամ քաղաքական հայացքի համար մարդիկ դառնում են քաղաքական բանտարկյալ. Դանիելյան ԵԿՄ անդամները պետք է մի բան անեին. ժամեր անց նա չպետք է զբաղեցներ այդ պաշտոնը. Դանիելյան Հռիփսիմեն ծնունդիս օրն ինձ ասաց ցտեսություն,սոված դերասանի պահ կար…Գրիգոր Դանիելյան Այն ցшվը, որը ապրեցի՝ բառերով նկարագրելու չի. Յանա Դանիելյան «Իրավունք» թերթը նշում է իր 35-ամյակը. Euromedia24