Մեկ զոհ, 9 վիրավոր. Թենեսիի ​​համալսարանի շրջանավարտների ​​շքերթից հետո փոխհրաձգություն է տեղի ունեցել

Մեկ մարդ է զոհվել է, ևս ինը, այդ թվում՝ երեք երեխա, վիրավորվել շաբաթ օրը երկու խմբի միջև փոխհրաձգության հետևանքով, երբ ամերիկյան Թենեսի նահանգի համալսարանի շրջանավարտների շքերթի մասնակիցների շարքերը նոսրացել են, հայտնել է Նեշվիլի ոստիկանությանը, տեղեկացնում է NBC News-ը:

Նշվում է, որ ոստիկանությունը հայտնել է, որ հրաձգության հետևանքով 24-ամյա տղամարդ է զոհվել կամպուսի սահմաններից դուրս՝ Ջեֆերսոն փողոցում, տեղական ժամանակով 17:10-ին՝ շքերթի ավարտից հետո։

«Ըստ պարկուճների դասավորության կարող ենք դատել, որ կրակոցները հնչել են փողոցի մի, այնուհետև մյուս կողմից»,- լրագրողներին է ասել ոստիկանության ներկայացուցիչ Դոն Ահարոնը: Նա հավելել է, որ   ամբոխի մեծ մասն ուղղվում էր Նեշվիլում կայանալիք Թենեսիի «Վագրերի» և «Արևեյյան Իլինոյսի հովազների» ֆուտբոլային խաղին, երբ սկսվել է փոխհրաձգությունը:

Ոստիկանությունը չի պարզել վիրավորների ինքնությունը և չի հայտնել, թե արդյոք նրանց թվում ուսանողներ կան: Տուժած երեք երեխաները՝ մեկը 12 և երկուսը 14 տարեկան, միջին աստիճանի վնասվածքներ են ստացել, ասել է Ահարոնը:

Այժմ ոստիկանությունը հետաքննում է, թե կրակողները քանիսն են եղել, և կարծում, որ կրակել է առնվազն մեկ մարդ, որն այժմ գտնվում է հիվանդանոցում:

Թենեսի նահանգի համալսարանի պաշտոնյաները հայտնել են, որ մեկ այլ միջադեպ էլ տեղի է ունեցել «Նիսան» մարզադաշտում, որտեղ անցկացվում էր դպրոցի ֆուտբոլային խաղը: Երեք մարդ տեղափոխվել է հիվանդանոց՝ ամբոխի ոտքի տակ ընկնելուց հետո, երբ ավտոկայանատեղիում «վեճը վերածվել է ծեծկռտուքի», և խուճապ է առաջացել։

Այս թեմայով Իսպանական Վալենսիան ջրհեղեղից հետո. սարսափելի պատկեր է (Տեսանյութ, Ֆոտո) Վթարից հետո բանկային քարտերն անհետացել են, գումարներ են հանել. Մաշ Իսրայելյանի քրոջ հետ եղել է պատգամավորի հարազատը Փաշինյանի գլխավորությամբ տեղի է ունեցել Անվտանգության խորհրդի հերթական նիստ Ռուսաստանը մտահոգված է խորհրդարանական ընտրություններից հետո Արևմուտքի կողմից Վրաստանին առաջադրած վերջնագրերով․ Պեսկով Թբիլիսիում տեղի ունեցավ առաջին հանրահավաքը. ինչ հեռանկարներ կան