Տրանսպորտի գինը հունվարից կփոխվի, բայց իրական կյանքում մարդիկ կտեսնեն, որ այն իրենց ընդհանուր բյուջեի վրա շատ էական ազդեցություն չունի. Ավինյան

Երևանի քաղաքապետարանը համայնքային բյուջեի հաշվին շարունակում է համալրել հանրային տրանսպորտի պարկը, մասնավորապես՝ այս տարի 171 հատ 8.5 մետրանոց ավտոբուսների և 15 տրոլեյբուսի գնում է իրականացրել, լրագրողների հետ զրույցում ասաց Երևանի քաղաքապետ Տիգրան Ավինյանը՝ Շահումյանի հրապարակում ներկայացնելով նոր տրոլեյբուսների և ավտոբուսների առաջին խմբաքանակը:

«Արդեն 22 ավտոբուս և 10 տրոլեյբուս Երևանում են։ Երկու շաբաթվա ընթացքում ամբողջ խմբաքանակը կլինի այստեղ: Սրանք որոշակի նորամուծություններով նույն մակնիշի ավտոբուսներն են, փաստացի նույն հաղթողն է եղել մրցույթում»,- ասաց Ավինյանը։

Նա նշեց, որ տրոլեյբուսների մակնիշը տարբերվում է նախորդից, բայց շատ մոտարկված է։

«Մեզ փաստացի տրանսպորտային բարեփոխումը վերջնականացնելու համար մնում է ընդամենը 150-200 ավտոբուսի գնում իրականացնել և դրանով ավտոբուսային պարկի համալրման հարցը փակած կլինենք»,- ասաց Երևանի քաղաքապետը։

Ինչ վերաբերում է միասնական տոմսային համակարգին, Ավինյանն ասաց, թե այն ոչ միայն Երևանի քաղաքապետարանի համար է կարևոր ստվերը վերացնելու տեսանկյունից, այլ՝ առհասարակ, մարդու հարմարավետության տեսանկյունից։

«Միասնական տոմսային համակարգի անցման պահից ստվերի՝ որպես երևույթի վերացումը կապահովենք, որովհետև փաստացի կանխիկ գործարքներն առհասարակ դուրս են գալու»,-ասաց Տիգրան Ավինյանը։

Տրանսպորտի գնի փոփոխության մասին խոսելով էլ քաղաքապետն ասաց, թե այն հունվարից կփոխվի, բայց իրական կյանքում մարդիկ կտեսնեն, որ այն իրենց ընդհանուր բյուջեի վրա շատ էական ազդեցություն չունի։

Այս թեմայով Թուրքիայի հետ ունենք դինամիկ երկխոսություն, բայց կառուցողական չէ, երբ նրանք մեր հարաբերությունների կարգավորումը կապում են Ադրբեջանի հետ. ԱԳ նախարար Գնում էր խանութ, բայց հայտնվեց առաջնագծում, ապա` գերության մեջ (Տեսանյութ) Իշխանականները կարծես գտել են արդարադատության իրենց «սրտի» նախարարին. «Ժողովուրդ» Կցանկանայի հավատալ ձեզ, երբ ասում եք, որ կյանքը և մարդկային արժանապատվությունը պետք է պաշտպանված լինեն, բայց իրականությունն այլ է․ Արաղչին՝ Բորելին Իրանը խաղաղության կողմնակից է, բայց անհրաժեշտության դեպքում կպաշտպանի իր ժողովրդի իրավունքները․ Փեզեշքիան