Երևանում սոցիալական մարմնի աշխատակիցներ ներկայացած անձինք Արցախից մեծ թվով բռնի տեղահանվածներից հափշտակել են 7 մլն 158 հազար դրամ և 11 հազար ԱՄՆ դոլար

Հոկտեմբերի 3-ին ՀՀ Քննչական կոմիտեի Երևան քաղաքի քննչական վարչության Արաբկիր և Դավիթաշեն վարչական շրջանների քննչական բաժնից ոստիկանության Մաշտոցի բաժնում ստացվել է տեղեկություն այն մասին, որ սեպտեմբերի 23-ին Էլլա Ս․-ից, Բելա Խ․-ից, Ռիտտա Զ․-ից, Անյուտա Ղ․-ից, Մարիամ Խ․-ից, Անուշ Մ․-ից, Լիլյա Մ․-ից, Արգամ Հ․-ից, Նարինե Ա․-ից, Էլլա Գ․-ից, Սիլվա Մ․-ից, Մուրադ Ս․-ից, Մարինա Խ․-ից, և Արմեն Խ․-ից ստացվել են հաղորդումներ, որ մայիս ամսին վերջիններս ծանոթացել են Ռիտա Բ․-ի, Իննա Գ․-ի և Սյուզիի հետ, ովքեր տեղեկանալով, որ իրենք հանդիսանում են Արցախից բռնի տեղահանվածներ, ներկայացել են որպես ՀՀ սոցիալական մարմնի աշխատակիցներ և կարող են բնակարանի հատկացում կատարել, որպեսզի լուծեն այդ հարցը՝ նրանց տվել են 7 մլն 158 հազար դրամ և 11 հազար ԱՄՆ դոլար:

Ինչպես հայտնում է ֆոտոլրագրող Գագիկ Շամշյանը, հետագայում պարզվել է, որ նրանցից ոչ ոք որևէ սոցիալական մարմնի աշխատակից չէ և խաբեությամբ տիրացել են նշված գումարներին:

Դեպքի փաստով Արաբկիր և Դավիթաշեն վարչական շրջանների քննչական բաժնում ՀՀ Քր. Օր.-ի 255 հոդվածի 3-րդ մասի 3-րդ կետի հատկանիշներով նախաձեռնվել է քրեական վարույթ:

Այս թեմայով Փոփոխություն՝ Արցախից բռնի տեղահանված բնակարանային ապահովման ծրագրում ՄԱՆԿԱՊՂԾՈՒԹՅՈՒՆ. Հարազատ պապիկը պարբերաբար ոտնձգություն է կատարել իր 6-ամյա երեխայի նկատմամբ Թբիլիսիի և Բաթումիի անհանգստացած բնակիչները սոցիալական ցանցերում տեղադրում են միաժամանակ բազմաթիվ թռչող ինքնաթիռների, ինչպես նաև անհայտ թռչող օբյեկտների լուսանկարներ և տեսանյութեր Փաշինյանի աշխատակազմի բյուջեն 2025-ին կկազմի ավելի քան 24 միլիարդ դրամ Շղթայական ավտովթար՝ Երևանում․ կա տուժած