Ով ասաց, որ ես հիմա չեմ ողջունում Սրբազանի շարժումը․Միքայել արքեպիսկոպոս Աջապահյան

Շիրակի թեմի առաջնորդ Միքայել արքեպիսկոպոս Աջապահյանը վերջին հարցազրույցներից մեկում ասել էր, որ Սրբազան շարժման անհաջողության գլխավոր պատճառը երկրորդ ու երրորդ նախագահների «ստվերն ու ուրվականն են», և որ նրանք «պետք է հայտարարեն իրենց հեռացման մասին ու իրապես հեռանան քաղաքական ասպարեզից»։

Արդյո՞ք նախկիները թույլ չեն տալիս, որպեսզի Բագրատ Սրբազանը ներկայացնի ճանապարհային քարտեզ՝ հստակ ծրագիր, թե օրինակ, ինչ ու ինչպես է վարվելու Փաշինյանին հեռացնելուց հետո, հարցը փորձել ենք պարզել անձամբ  Միքայել արքեպիսկոպոս Աջապահյանից, ով նկատեց․

-Ես դա չգիտեմ տեղյակ չեմ, դա հենց Բագրատ Սրբազանին հարցրեք։ Իհարկե, լավ կլիներ ներկայացներ, բայց եթե չի ներկայացնում ինքը գիտի, թե ինչու չի ներկայացնում։

-Սրբազան, Դուք առաջիններից էիք, ով ողջունեց Բագրատ Սրբազանի առաջնորդած շարժումը, արդյո՞ք այդ ժամանակ տեղյակ չէիք, որ նրան ինչպես Դուք եք նշել նրա հետեւում  նախկինների  «ստվերն ու ուրվականն են»։

-Ասենք, թե տեղյակ էի։

-Այդ դեպքում ինչո՞ւ ի սկզբանե ողջունեցիք, հետագայում Ձեր դիրքորոշումը փոխեցիք։

-Հիմա էլ եմ ողջունում շարժումը, ով ասաց, որ ես հիմա չեմ ողջունում Սրբազանի շարժումը, բայց կրկնում եմ, որ շարժումը տուժել է իրենց ներկայության պատճառով։ Որ նախկինների ստվերը խանգարում է շարժման հաջողությանը, որն՞ է այդտեղ իմ մեղքը։

-Բացարձակ մեղք չկա Սրբազան հայր, պարզապես տրամաբանական հարց է առաջանում, ինչո՞ւ ի սկզբանե այդ մասին չեք բարձրաձայնել, եթե վստահ էիք շարժման անհաջողության մեջ։

-Ի սկզբանե ինչու պետք է բարձրաձայնեի, մենք այդ մասին խոսել ենք Բագրատ Սրբազանի հետ ու ոչ մի անգամ։ Եվ իմ չընդգրկվածությունը այս շարժման մեջ լիարժեք կերպով պայմանավորված է եղել բացառապես դրանով։

-Լավ, իսկ Դուք տեսնո՞ւմ եք որեւէ լիդեր, ով կարող է համախմբել հանրությանը եւ ով զերծ է այս կամ այն անձանց ստվերներից։

-Հենց Բագրատ Սրբազանը շատ լավ լիդեր է, ընդամենը պետք է որ նախկիները իրենք իրենց կամքով հեռանան։ Բագրատ Սրբազանը չի կարող իրենց հեռացնել, իրենք իրենցղ կամքով պետք է հեռանան։ Բագրատ Սրբազանից լավ լիդեր չկա։

-Բայց Բագրատ Սրբազանի իր երբեմնի հեղինակությունը,  մեղմ ասած, չի՞ մաշել։

-Դե հիմա, եթե մաշեցրել են, ապա նույն մարդիկ են դա արել, որոնց մասին խոսում եմ։ Ես ցավ եմ զգում, որ Բագրատ Սրբազանը իսկապես իրեն դրել է զոհասեղանին։

-Սրբազան, եկեղեցին կիսո՞ւմ է Ձեր գնահատականները։

-Եկեղեցականներ կան կիսում են, եկեղեցականներ էլ կան չեն կիսում, ամեն մեկն ունի իրավունք իր կարծիքը արտահայտելու։ Սա եկեղեցական, աստվածաբանական դոգմատիկ հարց չէ, որ բոլոր եկեղեցականները նույն կարծիքը ունենան։ 

Այս թեմայով ԼԳԲՏ քարոզը ակտիվացել է, որովհետեւ օրվա իշխանությունները քաջալերում են նմաններին․ Միքայել արքեպիսկոպոս Աջապահյան Այ մարդ, ասինք` չէ էլի, նե՜տ… Միքայել արքեպիսկոպոս Աջապահյանը կատաղե՞լ է Փաստորեն, ամենավախենալուն ու վատթարը Ադրբեջանին հանձնվելը չէ՞ր. ԶԱՐՄԱՆՔ «Իրավունք». Մենք ընդամենը եկեղեցու զորության 10-15 տոկոսն ենք օգտագործել