Գազավորված եւ շաքարով ու քաղցրացված ըմպելիքը բարձրացնում է ինսուլտի հավանականությունը. Stroke

Գոլուեի (Իռլանդիա) համալսարանի գիտնականները Կանադայի Մաքմաստերի համալսարանի հետ համագործակցությամբ պարզել են, որ քաղցրացված գազավորված ըմպելիքների ակտիվ օգտագործումը  կարող է 22 տոկոսով բարձրացնել ինսուլտի հավանականությունը, իսկ մրգահյութերը՝ 37 տոկոսով։ Հետազոտության արդյունքները հրապարակվել են Stroke գիտական ամսագրում։

Հետազոտությանը մասնակցել է 27 հազար մարդ 27 երկրներից, այդ թվում 13 500 կամավոր, որոնք մեկ անգամ արդեն ինսուլտ տարել են։ Բոլոր փորձարկվողները պատկանել են տարբեր աշխարհագրական եւ էթնիկ խմբերի՝ սիրտ-անոթային հիվանդությունների տարբեր ռիսկով։

Գիտնականները խնդրել են մասնակիցներին պատասխանել մի շարք հարցերի կենսակերպի, սննդաբաժնի եւ ֆիզիկական ակտիվության մասին։ Հատուկ ուշադրություն է դարձվել գազավորված ըմպելիքների եւ մրգահյութերի օգտագործմանը։ Ստացված արդյունքների հիման վրա գիտնականները գնահատել են, թե ինչպես է այս կամ այն մթերքն ազդել ինսուլտի հավանականության վրա։

Գիտնականները նշել են, որ ինսուլտի հավանականությունը ամենամեծ չափով կապված է այդ ըմպելիքների օգտագործման հետ կանանց մոտ։

Նաեւ պարզվել է, որ օրական յոթ եւ ավելի բաժակ ջրի օգտագործումը հարաբերակցվել է ինսուլտի հավանականության նվազման հետ՝ պայմանավորված թրոմբոզով։ Պաշտպանիչ հատկություններ են ցուցադրել նաեւ կանաչ եւ սեւ թեյերը։

Հետազոտության հեղինակների կարծիքով՝ շատ ըմպելիքներ պատրաստվում են խտանյութերից, որոնցում մեծ քանակությամբ շաքար եւ կոնսերվանտներ են ավելացված։ Այդ բաղադրիչները կարող են բացասական ազդեցություն ունենալ առողջության վրա։

Այս թեմայով Պրոֆեսոր Չարչյանը օստեպորոզի զարգացման մասին Ձվի ամենօրյա օգտագործումը կարող է նվազեցնել դեմենցիայի առաջացման հավանականությունը. Nutrients Հարվարդցի գիտնականն ապացուցել է, որ ձուն չի բարձրացնում խոլեստերինը Այս ըմպելիքը ծերության պատճառ է դառնում.դիետոլոգ Բելառուսի պետական սահմանին պահպանվում է զինված սադրանքների հավանականությունը․ Խրենին