Ի՞նչ կապ ունի Միխայիլ Միշուստինը «Սրբազան պայքար»-ի ակտիվ գործունեության հետաձգման հետ

Օրեր առաջ Կարեն Դեմիրճյանի անվան մարզահամերգային համալիրում «Սրբազան պայքար»-ի առաջնորդ Բագրատ Սրբազանը հայտարարեց, որ հոկտեմբերի 2-ից վերսկսում են ակտիվ պայքարի շրջանը․ «Մեր ակտիվ պայքարի շրջանը վերսկսում ենք հոկտեմբերի 2-ին, ժամը 18․30-ին՝ հավաքվելով Հանրապետության հրապարակում, մտնելով պայքարի ինտենսիվ ու հետևողական փուլ, համառ, աննահանջ, համբերատար պայքարի փուլ՝ երաշխավորված հաղթանակով»,-հայտարարել էր Սրբազանը։

Նա հայտարարեց նաև, որ որոշ հանգամանքներ հաշվի առնելով՝ ի մասնավորի սեպտեմբերի 28-ին և 29-ին Սրբազան Մյուռոնօրհնության և Մայր տաճարի վերաօծման արարողությունները, համակարգող խորհրդի և տարբեր մարդկանց հետ խորհրդակցաբար որոշել են, որ ակտիվ պայքարի շրջանը վերսկսեն հոկտեմբերի 2-ին։

Operativ.am-ի տեղեկություններով «Սրբազան պայքար»-ի ակտիվ գործունեությունը հետաձգել են ոչ միայն Սրբազան Մյուռոնօրհնության և Մայր տաճարի վերաօծման արարողությունների պատճառով, որոնք ավարտվելու են սեպտեմբերի 29-ին, այլ իրական պատճառն այն է, որ սեպտեմբերի 30-ից հոկտեմբերի 1-ը Երևանում կկայանա Եվրասիական տնտեսական երրորդ ֆորումը և ԵԱՏՄ անդամ երկրների վարչապետների հանդիպումը։

Այսինքն, Բագրատ Սրբազանի ակտիվ պայքարի հետաձգման պատճառը «թաքնված» է ՌԴ վարչապետ Միխայիլ Միշուստինի Երևանում գտնվելու փաստով։

Այսպիսով, Միշուստինի Երևանից հեռանալուն պես, հոկտեմբերի 2-ին շարժումը կմտնի, ինչպես Բագրատ Սրբազանն է ասում, ինտենսիվ, հետևողական, համառ, աննահանջ, համբերատար պայքարի փուլ։

Նյութի աղբյուր` https://operativ.am/?p=566746&l=am

Այս թեմայով Ի՞նչ կապ ունի Լիլիթ Բասյանն Անահիտ Սիմոնյանի վերջին հայտարարությունների հետ. սննդաբանի հրապարակումը Բագրատ Սրբազանը բուժզննման նպատակով մեկնելու է արտերկիր Բոլոր գործողությունները, որոնք այս իշխանությունները կատարում են, հակասահմանադրական, հակաօրինական, հակաազգային են․ Բագրատ Սրբազան (Տեսանյութ) Ինչ տեսք ունի Բեքհեմների՝ ավելի քան 70 մլն եվրո արժողությամբ նոր առանձնատունը Մայամիում (լուսանկարներ) Ալիեւի ու Փաշինյանի ակտիվ քննարկումները հենց ԲՐԻԿՍ-ի նիստում (տեսանյութ)