Ովքեր պաշտպանեցին նախարարին եւ փուռը տվեցին փոխնախարարին

Պարզվում է՝ ՔՊ-ական պատգամավորները ստորագրահավաք էին սկսել ՀՀ արդարադատության նախարար Գրիգոր Մինասյանի դեմ, որի քավորը ո՛չ ավել, ո՛չ պակաս ՔՊ-ական պատգամավոր Արփի Դավոյանն էր: Սակայն  գործընթացը ցանկալի սցենարով չշարունակվեց, որովհետեւ իշխանական մի շարք պատգամավորներ դեմ էին արտահայտվել Մինասյանին հանիրավի պաշտոնանկ անելուն: Ըստ էության, նրա դեմ միակ փաստարկը բերվում էր այն, որ նա Վատիկանում ՀՀ նախկին դեսպան Միքայել Մինասյանի եղբայրն է: Բայց սա առանձնապես բացահայտում չէ, այդ մասին գիտեին բոլորն ու ի սկզբանե:

ՔՊ-ին մոտ կանգնած աղբյուրների փոխանցմամբ՝ խմբակցության նիստին Արփի Դավոյանն անկոտրուն է մնացել եւ հայտարարել, թե ովքեր չեն ստորագրում Գրիգոր Մինասյանին պաշտոնանկ անելու համար, իրենց հարցը պետք է քննվի առանձին եւ ուսումնասիրվի՝ ի՞նչ կապ ունեն, այսպես ասած, նախկինների հետ:  

Նույն աղբյուրներն ասում են, թե նիստի ժամանակ ՔՊ-ական պատգամավոր Անդրանիկ Քոչարյանի «դուխն» է հերիքել բարձրաձայնել, որ իր սրտով չէ այս ստորագրահավաքը: Այո՛, պնդել է, թե ինքն էլ է տեսնում խնդիր, որ իրենց արդարադատության նախարարը Միքայել Մինասյանի եղբայրն է, բայց, միեւնույն ժամանակ, չի կարելի աչք փակել նրա պրոֆեսիոնալիզմի վրա եւ չնկատել, որ արդարադատության համակարգը բավական մեծ առաջընթաց է ունեցել նրա օրոք:

Այսպիսով՝ Անդրանիկ Քոչարյանին հաջողվել է հասնել նրան, որ նախարարի հրաժարականը փոխարինվի փոխնախարարի հրաժարականով: Արդարադատության փոխնախարար Սիրվարդ Գեւորգյանին հասկացրել են, որ իր ինքնակամ հրաժարականը կարող է մեղմել իրավիճակը, չէ որ նրա նշանակումն էր պատճառը, որ բողոքի ալիք բարձրացավ Մինասյանի դեմ: Իսկ Սիրվարդ Գեւորգյանի «մեղքն» այն էր, որ նա ՀՀ երկրորդ նախագահի դստեր ընկերուհին է եւ համացանցում լայն տարածում էր գտել նրա լուսանկարը՝ Ռոբերտ Քոչարյանի գիրքը ձեռքին:

Սեփ. լրատվություն

Այս թեմայով «Ժողովուրդ». Սրբուհի Գալյանի՝ Արդարադատության նախարար դառնալու հեռանկարով կիրականան նաև Աննա Վարդապետյանի նպատակները Թուրքիայի հետ ունենք դինամիկ երկխոսություն, բայց կառուցողական չէ, երբ նրանք մեր հարաբերությունների կարգավորումը կապում են Ադրբեջանի հետ. ԱԳ նախարար Վերջապե՛ս նախարար գտան, մնաց՝ արդարադատությունը Իշխանականները կարծես գտել են արդարադատության իրենց «սրտի» նախարարին. «Ժողովուրդ» Հռիփսիմեն ծնունդիս օրն ինձ ասաց ցտեսություն,սոված դերասանի պահ կար…Գրիգոր Դանիելյան