«Ժողովուրդ». Փաշինյանը հորդորել է 2031-ի ընտրությունների մասին մտածել. վստահ է` 2026-ին իշխանության են մնալու

«Ժողովուրդ» օրաթերթը գրում է․ «Նիկոլ Փաշինյանն իր թիմակիցներին վստահեցրել է՝ առանց խոչընդոտների իրենք հաղթելու են ԱԺ հերթական՝ 2026 թվականի ընտրություններում. տեխնիկական, կազմակերպչական հարցերն են մնացել լուծելու: Նա հորդորել է թիմակիցներին, թե պետք է հետագայի՝ 2031-ի ընտրությունների մասին մտածել:

Նիկոլ Փաշինյանը, սակայն, հանգստացրել է թիմակիցներին՝ ասելով, որ մտահոգվելու կարիք չկա, 2026 թվականին իրենք իշխանության են մնալու, առանց որեւէ խոչընդոտի հաղթելու են ընտրությունները:

Փոխարենը, Փաշինյանը հորդորել է մտածել հաջորդ՝ 2031 թվականի ընտրությունների մասին:

«Ժողովուրդ» օրաթերթը թեմայի առնչությամբ ՔՊ խմբակցության պատգամավոր Արմեն Խաչատրյանից հետաքրքրվել է՝ արդյոք Նիկոլ Փաշինյանը ներկուսակցական հանդիպումների ժամանակ նման վստահեցում տվել է:

«Նման թեմա չի քննարկվել: Ընտրությունների արդյունքների վերաբերյալ կարող ենք վստահություն ունենալ միայն դրանց հաշվարկից հետո: Դա վերաբերում է ցանկացած ընտրությունների, անգամ ընտրությունից մեկ ժամ առաջ նման վստահություն ունենալը, կարծում եմ, ճիշտ չէ», – ասաց նա»:

Այս թեմայով «Ժողովուրդ». Հաղորդագրություն են տարածում ո՛չ թե օտար պաշտոնյաների, այլ ՀՀ նախարարների հետ հեռախոսազրույցների մասին Գեղեցիկ կնոջ 5 հատկանիշները՝ ըստ Օդրի Հեփբերնի Հրաչյա Հակոբյանը՝ Ձորաղբյուրում տուն գնելու մասին Հայաստանը՝ հզոր անտիցիկլոնի ազդեցության գոտում. Գագիկ Սուրենյանը՝ եղանակի մասին «Հրապարակ». Գողականների հարկի տակ՝ մարդու իրավունքների մասին