«Հրապարակ». Իշխանական ողջ ռեսուրսը գործի է դրվել ներարցախյան խժդժություններ հրահրելու ուղղությամբ

«Հրապարակ» թերթը գրում է. «Այսօր՝ սեպտեմբերի 19-ին, Արցախի վրա Ադրբեջանի դաժան հարձակման տարելիցն է, որից օրեր անց տեղի ունեցավ արցախցիների բռնի տեղահանությունը Հայաստան։ Արցախի քաղաքական վերնախավը՝ նախագահ Սամվել Շահրամանյանի գլխավորությամբ, այսօր առավոտյան կայցելի Եռաբլուր՝ հարգանքի տուրք մատուցելու արցախյան ազատամարտի զոհերի հիշատակին, իսկ կեսօրին Սուրբ Խաչ եկեղեցում Արցախի հոգեւոր առաջնորդը պատարագ կմատուցի։

Մինչդեռ վերջին օրերին՝ սեպտեմբերի 19-ին ընդառաջ, հայաստանյան իշխանական ողջ ռեսուրսը գործի է դրվել ներարցախյան խժդժություններ հրահրելու ուղղությամբ: Ողջ թիմով առաջ են տանում քարոզչական այն գիծը, թե Արցախի հետ տեղի ունեցածի ողջ պատասխանատվությունը բացառապես արցախցիների ուսին է։ Իսկ երեկ տարածված հաղորդագրությամբ, որով «ավետում» էին, որ «իշխանությունը յուրացնելու նախապատրաստության դեպք» են բացահայտել եւ 7 անձի մեղադրանք առաջադրել, դարձյալ մի ստոր նախադասություն էին գրել` «ինչպես նաեւ Լեռնային Ղարաբաղի նախկին բնակիչներ Ա. Մ.-ն, Ա. Ս.-ն»:

Առավել մանրամասն թերթի այսօրվա համարում

Այս թեմայով «Հրապարակ». Իշխանական պատգամավորները դժգոհ են Կան շատ մարդիկ, որոնք շարունակում են մնալ «Հոկտեմբերի 27»-ի գործի բացահայտման համար որպես բանալի. Քոչարյան Ոճրագործությունից 25 տարի անց վարույթը գտնվում է նախաքննության փուլում Միրզոյանը և Բայրամովը պայմանավորվել են շարունակել ջանքերը «Խաղաղության և միջպետական հարաբերությունների հաստատման մասին» պայմանագրի վերջնականացման և սեղմ ժամկետներում կնքման ուղղությամբ Բաքուն Հայաստանի հետ խաղաղության հասնելու ուղղությամբ ջանքեր է գործադրում, դրա հիմնական խոչընդոտն այդ երկրի Սահմանադրությունն է. Ալիևի օգնական