Կիրանցի սահմանային պատը գաջապատել են, գույնը սպիտակացրել ու վերջ․ «անվտանգության հարցը լուծված է». MediaHub

Կիրանցի հատվածում սահմանազատման հետևանքով Հայաստանից զիջված տարածքներում ադրբեջանական կողմն ամրաշինական աշխատանքներ է իրականացնում, որոնք տեսանելի են հայկական գյուղերից։ Տավուշի մարզի Աճարկուտ համայնքի բնակիչ Կարեն Ղազարյանը MediaHub-ի հետ զրույցում ասաց, որ խոսքը մեծածավալ աշխատանքների մասին է։

«Գիշեր-ցերեկ աշխատում են։ Կիրանցեցիներն անգամ ասում են, որ այդ տարածքներն ականապատվում են, ինչը ենթադրում է, որ խաղաղությունը ոչ թե մոտենում է, այլ ընդհանրապես դրա մասին խոսելն օր-օրի անիմաստ է դառնում։ Իսկ ի՞նչով է զբաղված հայկական կողմը։ Առանձնապես ոչ մի բանով։ Սահմանային պատը գաջապատել են, գույնը սպիտակացրել ու վերջ, անվտանգության հարցը լուծված է»,- նշեց մեր զրուցակիցը։ 

Ըստ Ղազարյանի՝ Ադրբեջանը խաղաղության չի պատրաստվում։ Նոր դիրքերում կահավորման աշխատանքներից ու 2-րդ գծում ամրաշինական աշխատանքերից բացի, հաճախակի մեղադրանքները թե՝ «Հայաստանը խախտում է հրադադարի պահպանման ռեժիմը», արդեն իսկ խոսում է այն մասին, որ խաղաղության պայմանագիրը հերթական «կուտն է», որ մատուցվում է հայ ժողովրդին։

«ՀՀ-ն զավթած սրիկայախմբի ղեկավարը փլուզեց մեր երկրի ամենաամուր՝ Տավուշի բնագիծը, մեր դաշտ ու դուրանները զիջեց թշնամուն, Ադրբեջանին հանձնելով ռազմավարական նշանակություն ունեցող դիրքերը»,- հավելեց Կարեն Ղազարյանը։

Այս թեմայով Ասադը կարգադրել է նոր կառավարություն ձևավորել ՀՀ կառավարությունը կհամաֆինանսավորի Կիրանցի և հարակից գյուղերի գազիֆիկացման ծրագիրը Ի՞նչ աշխատանք են կատարում թշնամու սակրավորները Կիրանցի' դավաճանաբար իրենց հանձնարարված տարածքներում «Արևմտյան Ադրբեջանի» համայնքը նախաձեռնում է վտարանդի կառավարություն ստեղծելու գործընթացը․ դա վտանգներ է պարունակում ՀՀ-ի տարածքային ամբողջականության համար․ ադրբեջանագետ Փաշինյանն ասում է՝ չի կարող «գարանտիա տալ». փաստորեն, Կիրանցն Աստծո հույսին է. Կիրանցի բնակիչ