Հրապարակվել է տիեզերքում տեղակայված արևային առագաստի առաջին լուսանկարը

Հրապարակված լուսանկարը կարող է մի փոքր շփոթեցնող թվալ։ Դա պայմանավորված է նրանով, որ տիեզերանավը ուղեծրով շարժվելիս դանդաղ է պտտվում։ Առագաստի աշխատանքի և այն պահող կոմպոզիտային ուղեցույցների վերաբերյալ բավականաչափ հեռաչափական տվյալներ հավաքելուց հետո ՆԱՍԱ-ի մասնագետները կկայունացնում են սարքի դիրքը։ Հավանաբար սրանից հետո հնարավոր կլինի ավելի պարզ ու հասկանալի լուսանկարներ անել։

Տիեզերանավն ունի չորս լայնանկյուն տեսախցիկ, որոնցից մեկն էլ հենց արել է ՆԱՍԱ-ի հրապարակած լուսանկարը։ Նկարի ներքևի մասում տեսանելի է «արտացոլող քառակուսի առագաստներ, որոնք ամրացված են կոմպոզիտային հեծաններով», մինչդեռ վերևում պատկերված է արևային մարտկոցներից մեկի հետևի մասում: Առագաստի տարրերը մի փոքր աղավաղված են թվում տեսախցիկի լայնանկյուն տեսադաշտի պատճառով: