Hubble-ն ֆիքսել է աստղերի ձևավորման գործընթացը M33 գալակտիկայում

Եռանկյունի գալակտիկան գալակտիկաների Տեղական խմբի երրորդ ամենամեծ անդամն է Անդրոմեդայի գալակտիկայից (M31) և մեր Ծիր Կաթինից հետո: Այն ունի ընդամենը 60,000 լուսատարի լայնություն՝ Ծիր Կաթինի չափերի մոտ կեսը: Երկրից մինչև M33 հեռավորությունը գրեթե 3 միլիոն լուսատարի է։

Ըստ ՆԱՍԱ-ի հետազոտողների՝ Եռանկյուն գալակտիկան «աստղագոյացման թեժ կետ» է, որտեղ աստղերը ձևավորվում են 10 անգամ ավելի արագ, քան հարևան Անդրոմեդա գալակտիկայում: M33-ի կոկիկ, կանոնավոր պարուրաձև թևերը ցույց են տալիս աննշան փոխազդեցություն այլ գալակտիկաների հետ, ուստի նրա աստղերի արագ ձևավորումը պայմանավորված չէ գալակտիկական բախումներով, ինչպես շատ այլ գալակտիկաներում: Փոխարենը նոր աստղեր են ծնվում գալակտիկայի ներսում առկա մեծ քանակությամբ փոշուց և գազից:

Ջրածնի զանգվածային իոնացված ամպերի բախումները, որոնք հայտնի են որպես H-II շրջաններ, ստեղծում են բարձր զանգված ունեցող աստղեր, որոնք երևում են Hubble-ի նոր նկարում: Լուսանկարում պատկերված մեծ կարմրավուն ամպերը իոնացված ջրածնի գրպաններ են, որոնք մուգ գազերի հոսքերի հետ միասին սնուցում են գալակտիկայում աստղերի արագ ձևավորումը:

Այս թեմայով Կենդանակերպի ամենահամարձակ նշանները, նրանք ոչնչից չեն վախենում Ամենահզոր գամմա ճառագայթների առեղծվածային աղբյուր է հայտնաբերվել Աստղադիտակը նոր էկզոմոլորակ է հայտնաբերել․ Կենդանակերպի մի քանի նշան, որոնք հաղթահարում են ամեն դժվարություն Ձեր ցանկությունը շուտով կիրականանա՞․ Պարզեք՝ ընտրելով աստղ երկնքում