Փաշինյանի այցելությունը Կիրանց չեղարկվել կամ հետաձգվել է

24News-ին Կիրանցի բնակիչները հայտնել էին, որ նախատեսվում էր ՀՀ վարչապետ Նիկոլ Փաշինյանի այցն իրենց համայնք: Ըստ նախնական տեղեկությունների, Փաշինյանն այսօր՝ սեպտեմբերի 1-ին, պետք է այցելի նորակառույց դպրոց, սակայն շինարարական աշխատանքներն ամբողջությամբ ավարտին հասցված չեն եղել, ուստի, Փաշինյանը, ամենայն հավանականությամբ, Կիրանց կայցելի վաղը՝ սեպտեմբերի 2-ին։

Արդեն վաղը Կիրանցի դպրոցականները պետք է հաճախեն այս դպրոց, որը ադրբեջանական սահմանից հեռու է ընդամենը մի քանի հարյուր մետր։

«Երեխաներին ասել էին՝ տանենք դպրոց, Փաշինյանն է գալու, բայց դե մինչև այս պահը լուր չունենք, թե երբ կգա»,- նշել է Կիրանցի բնակիչը մեզ հետ զրույցում։

Հիշեցնենք, որ այսօր` վաղ առավոտյան, Կիրանց է այցելել «Տավուշը հանուն հայրենիքի շարժման» առաջնորդ Բագրատ արքեպիսկոպոս Գալստանյանը։ Հնարավոր է, որ Փաշինյանի՝ Կիրանց կայանալիք այցի հետաձգումը կամ չեղարկումը կապված է Սրբազանի այցի հետ։

Այս թեմայով «Փաստ». Բա որ հայի «հետին խելքն» ավելի շուտ «առաջ բերված» լիներ ՀՀ կառավարությունը կհամաֆինանսավորի Կիրանցի և հարակից գյուղերի գազիֆիկացման ծրագիրը Կիրանցի սահմանային պատը գաջապատել են, գույնը սպիտակացրել ու վերջ․ «անվտանգության հարցը լուծված է». MediaHub Ի՞նչ աշխատանք են կատարում թշնամու սակրավորները Կիրանցի' դավաճանաբար իրենց հանձնարարված տարածքներում Փաշինյանն ասում է՝ չի կարող «գարանտիա տալ». փաստորեն, Կիրանցն Աստծո հույսին է. Կիրանցի բնակիչ