Մեղրն օգնում է պահպանել յոգուրտի՝ մարսողության համար օգտակար միկրոօրգանիզմները. JN

Իլինոյսի համալսարանի (ԱՄՆ) գիտնականները պարզել են, որ յոգուրտը մեղրով քաղցրացնելն օգնում է պահպանել պրոբիոտիկ միկրոօորգանիզմները, որոնք նպաստում են նորմալ մարսողությանը եւ աղիների առողջությանը։ Հետազոտության արդյունքները հրապարակվել են The Journal of Nutrition-ում։

Բազմաթիվ հետազոտությունները ցույց են տվել, որ որոշակի պրոբիոտիկների օգտագործումը կարող է նպաստել մարսողական համակարգի առողջությանը եւ աղիների մշտական գործունեությանը, ինչպես նաեւ դրական ազդեցություն ունենալ տրամադրության ու կոգնիտիվ հատկությունների վրա։

Հետազոտողները լաբորատոր փորձ են կատարել, որի շրջանակում ուսումնասիրել են մեղրի չորս տարբեր տեսակների (առվույտի, հնդկաձավարի, երեքնուկի եւ նարնջի ծաղիկների) ազդեցությունը յոգուրտի B. Animalis-ի կենսունակության վրա ի հաշիվ մարսման պրոցեսների իմիտացիայի։ Երկրորդ փուլում գիտնականները միկրոբները տեղակայել են լաբորատոր անոթներում այն լուծույթներով, որոնք նման են եղել թքի, ստամոքսաթթվի, աղիքային լորձի եւ ֆերմենտների բաղադրությանը։