Դատարանը Հրայր Թովմասյանին հեռացրել է դահլիճից՝ խաչը գրպանը դնելու պահանջը չկատարելու համար. պաշտպան

ՍԴ դատավոր Հրայր Թովմասյանը նիստի ընթացքում օգտագործել է «ամենագետ» բառը, որը դատախազը գնահատել է որպես վիրավորական։ Այս մասին այսօր Սահմանադրական դատարանի դատավոր Հրայր Թովմասյանի գործով դատական նիստից հետո լրագրողների հետ զրույցում ասաց պաշտպան Արամ Օրբելյանը՝ խոսելով այն մասին, թե ինչու՞ է Հրայր Թովմասյանը երեկ հեռացվել նիստերի դահլիճից։  

«Դատարանը նկատողությու է արել։ Հրայր Թովմասյանի ձեռքին եղել  է Երուսաղեմից բերված քարաշար, որի վրա կա խաչ, դատարնն ասել է, որ դնի գրպանը։ Թովմասյանը փորձել է հասկանալ՝ ո՞ր իրավասության իրացման հետ կապված է տվյալ պահանջը։ Ասել է՝ վաղն էլ որ ասեք՝ մազերը կարմիր ներկեք, դա՞ էլ է օրինական պահանջ։  Դատավորն ասել է՝ ինձ հավասար խոսում եք ու հեռացրել է։ Հեռացնելու պատճառը պաշտպան ներգրավելն է։ Հանրային պաշտպանը ներկայացել է երկու նիստի։ Ես ընդհանրապես ծանուցած չեմ եղել, որովհետև ծանուցումներ են ուղարկվել ինչ–որ անհասկանալի հասցեներով, ինչ–որ մեկը ստորագրել է։  Էլ. փոստիս եմ ծանուցումներ եմ ստացել արձակուրդի ժամանակ, սակայն չեմ ստուգել»,–պատմեց Արամ Օրբելյանը։ Նրա խոսքով, դատախազը ենթադրում է, որ կա պաշտպանական թիմի մարտավարություն՝ ձգձգել դատական նիստերը։

Պաշտպանը, սակայն, վստահեցնում է՝  հետաձգելու միջնորդություն ներկայացնելու պատճառն այն է եղել, որ արձակուրդում է գտնվելու և առաջարկել է արձակուրդից հետո ամեն օր նիստի ներկայանալ։ Արամ Օրբելյանի խոսքով, դատարանը դեռևս գարնանն էր տեղյակ այն մասին, որ ինքը երեք շաբաթով արձակուրդում է գտնվելու, սակայն դա հաշվի չառնելով, առանձնացրել էր դատական գործերը։ Վերջինս միջնորդություն է ներկայացրել նիստը հետաձգելու համար, սակայն «նախագահողի կողմից ռեպլիկների է արժանացել»։  

Այս թեմայով Դժոխք ուկրաինական ուժերի համար Կուրախովոյում, պաշտպանությունը փլուզվում է աչքի առաջ. Ուկրաինացի ռազմական վերլուծաբան Կարևոր «Գրին քարտի» խաղարկությանը մասնակցել ցանկացողների համար Ինչպես են վրացի ընդդիմադիրները արդարանում ընտրազանգվածի առաջ. Բացառիկ Աստղագուշակ՝ հոկտեմբերի 31-ի համար ԱՀԿ փորձագետներն առողջության համար օգտակար են անվանել ալոե վերայի հատկությունները