Ահա՝ ինչպես կարող են գողանալ ձեր Telegram հաշիվը

Չարագործները մեսենջերներում և սոցիալական ցանցերում հաշիվներ գողանալու շատ տարբեր եղանակներ ունեն: «Մոշելովկա Ժողովրդական ճակատ» հարթակի համադրող Ալլա Խրապունովան ՌԻԱ Նովոստիին պատմել է խարդախության նոր սխեմայի մասին, որն ուղղված է Telegram-ի հաշիվները գողանալուն:

Ահա թե ինչպես է աշխատում սխեման.

Խարդախները մեծ թվով հարցումներ են ուղարկում՝ թիրախ օգտատերից Telegram-ի մուտքի հաստատման կոդը ստանալու համար:

Այնուհետև հարձակվողները օգտագործում են կեղծ հաշիվ, որը կոչվում է Telegram Security Messenger՝ զոհին հրավիրելով սեղմել հղման վրա՝ իբր անվտանգությունը բարելավելու և հաշվի ջնջումը կանխելու համար:

Խրապունովան ընդգծել է, որ նման հղումների վրա սեղմելը չափազանց վտանգավոր է, և օգտատերերին հորդորել է զգույշ լինել։