«Արմենի»-ն, «Նազենիկ»-ն ու «Դիսնեյ»-ը Մոնտենեգրոյից վերադարձել են պատվաբեր մրցանակներով

Վառ հիշողություններով եւ տպավորություններով լի` Հայաստանի պատվիրակությունը Մոնտենեգրոից վերադարձել է: Օգոստոսի 7-ից 13-ը Աբովյան համայնքի «Արմենի» պարային անսամբլը, «Նազենիկ» պարային ստուդիան եւ Երեւանի «Դիսնեյ» արվեստի դպրոցի նկարչության դասարանը գտնվում էին Մոնտենեգրոյի եւ Ալբանիայի Հանրապետություններում: Մոնտենեգրոյի Բառ քաղաքում տեղի ունեցավ «Folk Fest Montenegro» խոշոր միջազգային փառատոնը, որին մասնակից երկրների շարքում էին ինչպես Հայաստանի, այնպես էլ Մոնտենեգրոյի, Սերբիայի, Հունգարիայի եւ Լեհաստանի պատվիրակությունները:  

Միջազգային հարթակում տպավորիչ եւ տարբերվող ելույթների արդյունքում` հայ պարը շողշողաց եւ գրավեց բեմը, արժանավույնս ճանաչելի դարձնելով հայ ժողովրդի աշխարհայացքը, գեղագիտական մտածողությունը, բարքը, քաղաքակրթությունը եւ դարավոր պատմությունը:

«Շնորհավորում ենք բոլորիս` միջազգային հարթակում պատվաբեր մրցանակների, եւ հային ու հայ պարը բարձր մակարդակով ճանաչելի դարձնելու կապակցությամբ: Շնորհակալություն Մոնտենեգրո, դժվարին, բայց հաճելի փորձությունների եւ ջերմ ընդունելության համար», - իր պաշտոնական էջում գրել է «Արմենի» պարային համույթը:

Այս թեմայով Արմենի պարային համույթի ելույթը՝ «Իրավունք» թերթի 35-ամյակին ԱԶԴ Պարային անսամբլի ելույթը՝ «Իրավունք» թերթի 35-ամյակին «Ժողովուրդ». Երեւանի ավագանու ՔՊ խմբակցությունը վրդովված է. հնարավոր է հարցը հասնի Պեդրո Զարուկյանին մանդատից զրկելուն Երեւանի մետրոպոլիտենը կամ այստեղով էլ Ալինյանն է անցել (Տեսանյութ) Երեւանի քաղաքապետարանը` վար­դա­գույն հա­գուս­տով մարդ­կանց փո­ղո­ցա­յին փեր­ֆոր­ման­սի դրվագ­նե­րի մասին