Ունենք հստակ պատկերացում՝ երբ է լինելու ընդդիմության՝ մանդատ վայր դնելը. Մանուկյան

ԱԺ ընդդիմադիր պատգամավոր Գեղամ Մանուկյանը mediahub.am-ի եթերում անդրադարձավ ընդդիմադիր պատգամավորների՝ մանդատները վայր դնելու հավանականությանը:

Նրա խոսքով՝ հասարակության կածիքները բաժանվում են երկու մասի: Ոմանք իրենց խորհուրդ են տալիս մասնակցել միայն ռազմական կամ նման այլ հարցերով խորհրդարանական քննարկումներին, ոմանք էլ, ընդհակառակը, քննադատում են, թե ինչու չեն մասնակցում տնտեսական, սոցիալական թեմաներով քննարկումներին:

՛՛Երբ սկսում ես դրանց անդրադառնալ, որովհետև շատ կարևոր են, ասում են՝ դուք ի՞նչ եք քննարկում՛՛,-նշեց Մանուկյանը:

Ըստ նրա՝ իրենք պատմության մեջ մնալու են ոչ թե որպես խորհրդարան, այլ որպես սերունդ: Պատգամավորն ընդգծեց, որ պարտականությունները չի ցանկանում իրենց վրայից մի կողմ  գցել, սակայն արձանագրց, որ այս խորհրդարանում չի եղել որևէ զիջման փաստաթղթի քննակում, վավերացում, որին մասնակցել է ընդդիմությունը:

Եվ, այնուամենայնիվ, ընդդիմադիրների՝ մանդատները վայր դնելու հարցը շրջանառվում է, ընդ որում, ըստ նրա՝ ընդդիմադիրներին հիմնականում թիրախավորում են արտախորհդարանական ընդդիմության ներկայացուցիչները:

՛՛Մանդատները վայր դնելն նքնանպատակ չէ, բայց մեր օրակարգում այն պետք է դառնա քաղաքական ակտ: Ունենք հստակ պատկերացում՝ երբ է լինելու այդ մանդատ վայր դնելը, որն ինքը պետք է դառնա քաղաքական ակտ, որն ամբողջությամբ կզրկի այս խորհրդարանին ապագայում իր կայացրած որոշման լեգիտությունից՝ դա կոչենք Ադրբեջանի հետ պայմանագիր կամ այլ փաստաթուղթ, ամեն վայրկայն չի բացառվում... Բայց կրկնում եմ՝ ես եղել եմ 2006-07 թթ. խորհրդարանի պատգմամավոր, պատգամավորի հասարակական կարգավիճակն այն ժամանակ էր, որովհետև կային բախումներ տեսակետների, բայց լրիվ ուրիշ մթոնոլորտ էր, երկու կարևոր հարցի շուրջ ՀՀԿ-ի՝ իշխանության հետ ամենամեծ բախումն է եղել՝ օրհնեգի ու երկքաղաքացիության հետ կապված: Այն ժամանակը անհահեմատելի էր, սա տաժանակրություն է, լրիվ այլ մթնոլորտ է...՛՛,-ասաց Մանուկյանը:

Նա նաև նշեց, որ այս պայքարում իրենք միշտ իրենց պայքարող հայրենակիցների կողքին են, միայն բանտում չեն հայտնվել, այն էլ՝ անձեռնմխելիության հիմքով: 

՛՛Բայց քանի որ իշխանափոխությունը չի ստացվում մինչև այժմ, բնական ցանկություն է ամեն մեկի մոտ՝ լավ, ինչու՞ չի ստացվել: Մեղավորներ պիտի լինեն, ամեն մեկը փորձում է իրենից վանել՝ մեղավոր է իրավիճակը, իշխանությունը, հասարակական տրամադրությունը, բայց սրա մեջ ամենահեշտը ինչն է՝ կարո՞ղ է պատգամավորական ֆրակցիաներն են պատճառը՛՛,-նշեց նա և հավելեց, որ հենց իրենք են վեց ամիս բոյկոտել խորհրդարանի գործունեությունը և մշտապես պնդել, որ ՀՀ եկած միջազգային դիվանագետներն անպայման հանդիպեն նաև իրենց՝ ընդդիմության հետ:

՛՛Բայց, իհարկե, եթե լավ աշխատած լինեինք, այսօր Նիկոլ Փաշինյանը չէր լինի վարչապետ, բայց նաև պետք է տեսնենք այն բոլոր բարձրաձայնումները, որ եղել են խորհրդարանական ամբիոնից՛՛,-ասաց Մանուկյանը: 

Նա հիմնավորեց ընդդիմության՝ խորհրդարանում մնալու կարևորությունը, նշեց, որ իրենց մանդատների շնորհիվ է, որ շատ դեպքերում կարողացել են տարբեր թեմաներ քննարկման առարկա դարձնել՝ իրազեկելով հանրությանը բազմաթիվ կարևոր թեմաների մասին:

Այս թեմայով Մանդատը հենց հիմա կտամ նրան, ով ցանկանում է գնա այդ գործով զբաղվի. Աննա Գրիգորյան (տեսանյութ) Թուրքիայի հետ ունենք դինամիկ երկխոսություն, բայց կառուցողական չէ, երբ նրանք մեր հարաբերությունների կարգավորումը կապում են Ադրբեջանի հետ. ԱԳ նախարար 10 ժամ ջուր չի լինելու Արմավիրի մարզում Վրաստանում ընդդիմության ընդհանուր վարկանիշը գերազանցում է «Վրացական երազանք»-ի վարկանիշին Երկար ժամանակով ջուր չի լինելու․ հասցեներ