Ամենից օգտակար հատկությունները՝ նարնջի հյութի մասին

Մրգային հյութերը սննդանյութերով, բնական շաքարներով, մանրաթելերով, միկրոտարրերով ու կենսաակտիվ միացություններով հարուստ հիանալի այլընտրանք են, որոնցով կարելի է փոխարենել ամբողջական մրգերը, սակայն շատերը, վախենալով ճարպակալումից, խուսափում են դրանց գործածությունից։

Գիտնականների նոր հետազոտությանը մասնակցել է 18-45 տարեկան 34 ոչ գեր մարդ, որոնց մասնագետները խնդրել են խմել մեկ բաժակ նարնջի բնական հյութ, ջուր կամ սախարոզա պարունակող նարնջի պատրաստի հյութ: Նարնջի 100%-անոց հյութի գործածությունը հանգեցրել է օրական օգտագործվող կալորիաների նվազեցման մոտ 420 կկալով: Բացի այդ, այն նաև շատ ավելի քիչ էր բարձրացնում արյան մեջ շաքարի մակարդակը, քան սախարոզա պարունակող ըմպելիքը:

Հետազոտության հեղինակները կարծում են, որ 100%-անոց նարնջի հյութ խմելը կարող է օգտակար լինել և պաշտպանել ճարպակալումից: Այնուամենայնիվ, այս եզրահանգումները պետք է հաստատվեն նաև տարեցների ու երեխաների մասնակցությամբ գիտափորձերի միջոցով, քանի որ նրանց օրգանիզմների արձագանքը կարող է տարբերվել երիտասարդների օրգանիզմի արձագանքից: