«Կամք»-ը կոչ է անում ապակենտրոն դուրս գալ փողոց, կազմակերպել անհնազանդության միջոցառումներ

«Հայկական Արժեքների Պաշտպանության «ԿԱՄՔ» հասարակական Նախաձեռնությունը  կոչով դիմում է պայքարող եւ տագնապող մեր ազգակիցներին։ Նիկոլ Փաշինյանն ու նրա գլխավորած քաղաքական շարժումը մեր երկիրն ու պետականությունը հասցրել են կործանման եզրին։

Դրսից ղեկավարվող եւ ֆինանսավորվող այս գործընթացը հնարավոր է կասեցնել միայն մեկ՝ ամբողջական ազգային փրկության ծրագրի շուրջ համախմբվելու ճանապարհով։

Մենք շատ ժամանակ չունենք, չունենք հին ու նոր սխալները կրկնելու իրավունք, սպառման եզրին է մեր ազգային ներուժը։

Ուստի.

Կոչ ենք ուղղում, ապակենտրոն եղանակով դուրս գալ փողոց, կազմակերպել դասադուլներ, գործադուլներ, դիմել անհնազանդության միջոցառումների՝ մեկ ընդհանուր եւ հստակ նպատակով`

Բոլորով միասին.

• Ստիպենք դադարեցնել Հայաստանի Հանրապետության մասնատման գործընթացը,
• Դադարեցնել թշնամու հետ բոլոր տեսակի բանակցությունները՝ այդ թվում ՀՀ տարածքով միջանցքի վերաբերյալ և համաձայն 2020 թվականի Նոյեմբերի 9-ի եռակողմ համաձայնագրի անմիջապես ապահովել Արցախահայության իրենց հայրենիք  անվտանգ վերադարձի եւ կարգավիճակի իրավունքը:  
• Անհապաղ ազատ արձակել գերիներին եւ քաղբանտարկյալներին,
• Միահամուռ ուժերով հեռացնել Նիկոլ Փաշինյանի և նրա Կառավարությանը, փոխարենն ստեղծել Ազգային Փրկության ժամանակավոր կառավարություն, որից հետո լուծարել Ազգային Ժողովը և վեցաամսյա ժամանակահատվածում կազմկակերպել ԱԺ արտահերթ ընտրություններ», - այս մասին հայտարարությամբ է հանդես եկել Հայկական Արժեքների Պաշտպանության «ԿԱՄՔ» հասարակական նախաձեռնությունը: