Դե՛, եկ վարչապետ ու մի զայրանա

Մարտի 26-ին քարոզարշավի շրջանակներում Շիրակի մարզի Արթիկ քաղաք այցելեց ՀՀ վարչապետ Կարեն Կարապետյանը: Հանդիպումը կայացավ Արթիկի մշակույթի տան լեփ-լեցուն դահլիճում: Իր ելույթում վարչապետն անդրադարձավ ոչ միայն կուսակցության ծրագրային դրույթներին, այլ Արթիկում  առկա խնդիրներին ու դրանց լուծման հնարավորություններին: Կարեն Կարապետյանը կոչ արեց արթիկցիներին իրենց վստահության քվեն տալ այս տարածաշրջանի վարկանիշային միակ թեկնածուին` ԱԺ պատգամավոր, պատգամավորության թեկնածու, անկուսակցական Մուշեղ Պետոյանին:

Բայց արթիկցիների ու լրագրողներիս աչքից չվրիպեց մի «կուրիոզ» փաստ: Անսպասելի հանդիպման վայր ժամանեց Արթիկի քաղաքապետ, ՀՀԿ անդամ Մխիթար Վարագյանը, ով, ըստ լրատվական տարբեր աղբյուրների, նեղացած էր ՀՀԿ-ից` ՏԻՄ ընտրություններին իրեն չառաջադրելու եւ անկուսակցական, բայց ՀՀԿ-ի վստահությանն ու համակրանքին արժանացած Մուշեղ Պետոյանին սատարելու համար: Ու այդ վիրավորանքը կուլ չտալով` մի կերպ ստացավ ՀՅԴ-ի աջակցությունը եւ ձայների չնչին տարբերությամբ դարձավ քաղաքապետ: Հիմա էլ ԱԺ ընտրությունների շեմին ՀՀԿ-ական քաղաքապետը ծեծում է իր ենթակայության հիմնարկների «դուռ-կտուրը» ու կոչ անում ձայն տալ ՀՅԴ- ին, իր եղբորը` Շիրակի  փոխմարզպետ  Խաչատուր Վարագյանին: Նա բարձր ամբիոններից շատ սիրուն ձեւով հնչեցնում էր ՀՅԴ կուսակցության եւ նրա թեկնածուների առավելությունները մյուսների համեմատ: Սա զարմացրեց հավաքվածներին, ու ամբոխի միջից լսվեց. «Էս քաղաքապետը չէ՞, երեկ ուրիշ բան էր ասում, էսօր եկել վերնախավի՞ն է հաճոյանում»: Եվ մինչ այժմ արթիկցիների գլուխը տարած այն միտքը, որ ինքն էր տարածել, թե վարչապետի հետ անձնական մտերմություն ունի, որը գալիս է «Գազպրոմ»-ից, մի վայրկյանում հօդս ցնդեց, երբ բոլորի համար պարզ դարձավ այն իրականությունը, որ Կարեն Կարապետյանը չի ճանաչում Մխիթար Վարագյանին:

Վարչապետը, իմանալով Արթիկի ՀՀԿ-ական քաղաքապետի «քաղաքական» վարքագիծը, հաստատ զարմանալու է ու զայրանալու:
Ահա այսպիսի ալեկոծումներ են քաղաքական դաշտում, ՀՀԿ կուսակցության ներսում ու դրանից դուրս, խայտաբղետ իրավիճակներ… Չենք կարծում, թե Արթիկը միակ համայնքն է` նման գունագեղ դրսեւորումներով: Մեզ մնում է մի բան ասել`«դե՛, եկ վարչապետ ու մի խենթանա»…..

ԻԼՈՆԱ ԱԶԱՐՅԱՆ

Այս թեմայով «Փաստ». Բա որ «շեֆը» զայրանա Վրաստանի նոր խորհրդարանը կհավաքվի, եթե անգամ երկրի նախագահը նիստ չնշանակի․ վարչապետ Մեկ ամսից նախագահին պաշտոնանկ կանենք. Վրաստանի վարչապետ Ադրբեջանն ուզում է, որ ՀՀ-ի ճանապարհները օգտագործելի լինեն իր համար, բայց ՀՀ-ն շարունակի մնալ շրջափակման մեջ. Վարչապետ Ռուսաստանի հետ հարաբերությունների խաղաղ կարգավորումը մեր առաջնահերթությունն է․ Վրաստանի վարչապետ