«Ժողովուրդ». Իրավապահ համակարգը չի կարողանում դատարանում ապացուցել, թե ովքեր են «օրենքով գողերը» կամ քրեական հեղինակությունները

«Մինչ արդարադատության նախարար Ռուստամ Բադասյանը մեկ տարի առաջ խորհրդարանում վստահեցնում էր, թե ՀՀ քրեական օրենսգր­քում փոփոխություններ և լրացումներ կատարելով` կարող են պայքարել «օրենքով գողերի», քրեական հեղինակությունների դեմ և, ընդ­հանրապես, քրեական ենթամշակույթի դեմ, այսօր իրավապահ համակարգը ռեալ կյանքում չի կարողանում դատարանում ապացուցել, թե ովքեր են «օրենքով գողերը» կամ քրեական հեղինակությունները, որպեսզի պատժեն:
Նշենք, որ այդ օրենքում փոփոխությամբ նախատեսվում էր քրեա­կան պատասխանատվություն քրեական աստիճանականությամբ բարձրագույն կարգավիճակ տալու կամ ստանալու, պահպանելու համար, քրեա­կան ենթամշակույթով խմբավորում ստեղծելու կամ ղեկավարելու համար, քրեական ենթամշակույթ կրող խմբավորմանը մասնակցելու կամ ներգ­րավվելու համար:
Եվ, ահա, վերջին օրերին ՀՀ գլխավոր դատախազությունը մեծ շուքով հայտարարում է տարբեր դեպքերի բացահայտման մա­սին, որոնք կապ ունեն «օրենքով գողերի» հետ: Սակայն «օրենքով գող» Ալոն կամ քրեական հեղինակություն Տիզը չեն կալանավորվել, քանի որ, «Ժողովուրդ» օրաթերթի տեղեկություններով, քննիչը դատարանում չի կարողացել ապացուցել, թե այդ մարդիկ ինչու են համարվում քրեական են­թամշակույթ կրող, և որն է նրանց հանցանքը: Հենց այդ պատճառով էլ նրանք օրինական հիմքերով ազատ են արձակվել:
Ստացվում է, որ օրեն­քը կա, բայց այն գործածել այդպես էլ չի ստացվում, ինչպես կանխատեսվում էր ի սկզբանե»,-գրում է թերթը։
Նյութն ամբողջությամբ կարդացեք թերթի այսօրվա համարում:

Այս թեմայով Իլոն Մասկը դիմել է կանանց, ովքեր ուզում են իրենից երեխա ունենալ ԱՄՆ-ում քվեարկության էլեկտրոնային համակարգը Թրամփի ձայները տալիս է Հարիսին (Տեսանյութ) Օրենքով գող-ը սպառնալիքի միջոցով ստանձնել է պարտքերի վերադարձի և այլ հարցերի լուծումը. 5 անձի մեղադրանք է ներկայացվել «Ժողովուրդ». Քրեական գործը մնացել է Հովիկ Աղազարյանի որդու ուսերին. մյուսների մասով գործը կարճվել է «Ժողովուրդ». Հայկ Սարգսյանի եղբորը կանչել են ՔԿ ու հարցաքննել. ի՞նչ վարույթի շրջանակում