Հրազդանոմ ուսուցիչն արգելել է աշակերտին մասնակցել հեռահար դասապրոցեսին. Ի՞նչն է պատճառը

Ինչպես գիտենք աշխարհում նոր ի հայտ եկած կորոնավիրուսը խաթարել է մարդկային կյանքի բնականոն ընթացքը և ստեղծել մի շարք անլուծելի թվացող խնդիրներ: Երկրում հաստատված կարանտինային պայմաններում առաջնահերթ փակվեցին կրթական հաստատությունները՝ բուհեր, դպրոցներ, մանկապարտեզներ: Ինչպես հայտնի է ստեղծված իրավիճակի հետևանքով կրթական հաստատություններն անցել են հեռահար ուսուցման, սակայն հեռահար ուսուցումը ոչ միայն որոշ դպրոցականների և ուսանողների դժգոհության ալիքը բարձրացրեց, այլև ստեղծեց որոշակի սոցիալական խնդիրներ, անհարմարություններ: Մեր տեղեկություններով, Կոտայքի մարզի Հրազդան քաղաքի դպրոցներից մեկի ուսուցիչը, աշակերտներից մեկին արգելել է մասնակցել հեռահար դասապրոցեսին համակարգչին կից տեսախցիկ չունենալու պատճառով: Մեր աղբյուրը հայտնում է, որ տվյալ աշակերտը չունի սմարթֆոն և օգտվում է սովորական համակարգչից, սակայն համակարգիչն էլ չունի հավելյալ տեսախցիկ: Ուսուցչուհին պատճառաբանել է, թե պետք է անպայման տեսնի երեխայի դեմքը։

ՀՀ ԿԳՄՍ նախարարության ուշադրությանն ենք հրավիրում վերոնշյալ խնդիրը և հորդորում նմանատիպ խնդիրներին շուտափույթ լուծում տալ:

Հայկ Գևորգյան 

Այս թեմայով 3 լավագույն նոութբուքների ընտրանին, որոնք հարմար են ուսման և աշխատանքի համար Կարևոր «Գրին քարտի» խաղարկությանը մասնակցել ցանկացողների համար Coca-Cola-ի միլիոնավոր շշեր շտապ հանվում են վաճառքից. Հայտնի է պատճառը Ադրբեջանի ԱԳՆ-ն բողոքի նոտա է հանձնել ԵՄ դեսպան Պյոտր Միխալկոյին. պատճառը Եվրախորհրդարանի բանաձևն է ՊՆ պատվիրակությունը նախարարի տեղակալի գլխավորությամբ մասնակցել է «Future Forces Forum 2024»-ին