45 միլիոն բնակչություն ունեցող Իսպանիայում 400.000 քաղաքական գործիչ կա. Արարատ Ղուկասյան

Վալենսիայի հայ համայնքի ղեկավար Արարատ Ղուկասյանն իր ֆեյսբուքյան էջում գրում է. 

Մինչև 2015 թվականը, Իսպանիայի խորհրդարանում (Congreso de los Diputados), կար ընդամենը 5 կուսակցություն, որոնցից մշտապես մեծամասնություն էին կազմում երկուսը՝ Սոցիալիստական և Ժողովրդական կուսակցությունները։ Հենց այս վերջիններիս սիստեմատիկ կոռուպցիայի և պաշտոնական դիրքերի չարաշահման հետևանքով, հիմա խորհրդարանում 23 կուսակցություն կա։ Այս քաոսի պատճառով էլ արդեն մոտ 2 տարի է, երկիրը կառավարություն չունի։
Քաղաքականությամբ փող դիզելու մշակույթը դեռ իր մահկանացուն չի կնքել այս երկրում, դրա համար էլ 45 միլիոն բնակչություն ունեցող Իսպանիայում 400.000 քաղաքական գործիչ կա, ի տարբերություն, ասենք, Գերմանիայի, որտեղ մոտ 90 միլիոն բնակչության համար ընդամենը 200.000 քաղաքական գործիչ կա, և հասարակության կարծիքով, սա էլ է շատ։
Քանի դեռ քաղաքականությունը, ասել է թե՝ ոչինչ չանելն, ավելի գայթակղիչ է, քան, ասենք, մասնագիտական աշխատանքը, արվեստը կամ գիտությունը, երկրները դոփելու են իրենց տեղերում՝ աղքատության բարձր ցուցանիշներով։